Qazaqstandyq baıdarka esýden Olımpıadanyń shırek fınalyna shyqty

NUR-SULTAN. QazAqparat – Qazaqstandyq sportshy Natalıa Sergeeva baıdarka esýden Olımpıadanyń shırek fınalyna shyqty, dep habarlaıdy QazAqparat olympic.kz-ke silteme jasap.

Tokıoda baıdarka men kanoede esýden jarystar jalǵasyp jatyr.

Áıelder arasynda baıdarkada esýden 500 m qashyqqa Qazaqstan sapynan Natalıa Sergeeva qatysty. Іrikteý kezeńiniń nátıjesi boıynsha ol tıisti qashyqty 2:01.374 ýaqytta baǵyndyryp, jetinshi oryn ıelendi. Mundaı kórsetkish otandasymyzdyń shırek fınalda synǵa túsýine múmkindik beredi.

Foto: Sálı Sabyrov, Qazaqstan UOK