QAZAQSTANDYQ BATYRLAR: Muqataı Ábeýilov

ASTANA. QazAqparat - Muqataı Ábeýilov 1917 jyly burynǵy Semeı oblysy Shubartaý aýdanynyń Barshatas aýylynda dúnıege kelgen.

Maıdanǵa 1941 jyldyń tamyz aıynda attanǵan.

152-gvardııalyq joıýshy-tankke qarsy artpolktiń zeńbirek nysanashysy, gvardııanyń qatardaǵy jaýyngeri M.Ábeýilov Vengrııany azat etý jolyndaǵy shaıqastarda erekshe kózge tústi. Jeke ózi jaýdyń 6 tankisin, 4 BTR jáne basqa da kóptegen tehnıkasyn joıdy.

1944 jylǵy 16 jeltoqsanda Býdapesht qalasynan 50 shaqyrym jerdegi Mahor eldi mekeni tusynda tankter shabýylyn toıtarý kezinde qaza tapqan.

Lenın, 1 -dárejeli Otan soǵysy ordenderimen marapattaldy.

KSRO Joǵarǵy Keńesi Prezıdıýmynyń 1945 jylǵy 28 sáýirdegi Jarlyǵymen M.Ábeýilovke qaza tapqannan keıin Keńes Odaǵynyń Batyry ataǵy berildi.

Batyrdyń týǵan jerinde keýde músini qoıylǵan.