Qazaqstandyq bankter «Altyn korona» qyzmetin ýaqytsha shektep jatyr

NUR-SULTAN. QazAqparat – Ulttyq Bank «Qazaqstan qor bırjasy» AQ-men birlesip teńge men AQSh dollary arasyndaǵy saýda-sattyq reglamentin ózgertý týraly sheshim shyǵarǵan bolatyn. Osyǵan baılanysty QazAqparat tilshisi «Altyn korona» tólem júıesiniń qazaqstandyq bankterde qalaı jumys isteıtinin surap bildi.

«Altyn korona» – eshqandaı shot ashpaı-aq, jyldam ári táýekelsiz aqsha jiberýge arnalǵan qyzmet túri.

Tsentr Kredıt Banktiń call-ortalyǵy qazirgi tańda «Altyn korona» tólem júıesi jumys istemeıtinin, búgin saǵat 15:30-dan keıin jandanatynyn málim etti. Búginge deıin bul baknte atalmysh tólem júıesi jumys istep turǵan.

Sberbanktiń baspasóz qyzmeti de tólem júıesi ýaqytsha ajyratylǵanyn, saǵat 15:00-ge deıin kútetinderin habarlady.

Al Halyk Bank valıýtalyq aýdarymdar saǵat 15:00-ge deıin toqtatylǵanyn málim etti. Alaıda, teńgemen aqsha aýdarǵyńyz kelse, kedergi joq. Tek aýdarymdy qabyldaýshy da ony teńge kúıinde ǵana qabyldaı alady.

Jusan Bank-te de «Altyn korona» qyzmeti búgin toqtatylǵan. Qyzmettiń qashan jandanatyny týraly aqparat bergen joq.

Forte Bank ókilderi tólem júıesi jumys istep turǵanyn, biraq valıýta aıyrbastaý qyzmeti toqtalynǵanyn aıtty. ıAǵnı, qandaı valıýtamen aqsha jiberilse, sol valıýta kúıinde ǵana qabyldaýǵa múmkindik bar.

Al Kaspi Bank óz klıentterine «Altyn korona» qyzmetin usynbaıtynyn jetkizdi.

«Klıentterimizdiń arasynda tanymal bolmaǵandyqtan bizde «Altyn korona» qyzmeti joq», - degen jaýap aldyq.

Esterińizge sala keteıik, Ýkraınadaǵy sońǵy oqıǵalarǵa baılanysty Eýropalyq Odaqqa múshe 27 eldiń Syrtqy ister mınıstrleri Reseıge qarsy jańa sanktsııalardy maquldady.

Sonyń ishinde keıbir reseılik bankterdi SWIFT halyqaralyq júıesinen ajyratý týraly sheshim de bar.