Qazaqstandyq bank sektorynyń kapıtal qory jetkilikti deńgeıde

ASTANA. QazAqparat - Fitch halyqaralyq reıtıng agenttigi Qazaqstannyń táýelsiz kredıttik reıtıngin «BBB» deńgeıinde rastady, boljam «Turaqty», dep habarlaıdy QazAqparat.

Elimizdiń reıtıngin qoldaıtyn negizgi faktorlar - qýatty fıskaldyq jáne syrtqy teńgerimder. Agenttik sarapshylarynyń pikirinshe, olar syrtqy kúızelisterge turaqtylyǵyn dáleldedi. Sondaı-aq, iri fıskaldy býferler syrtqy taza kredıtor mártebesin saqtaýǵa múmkindik berdi.

Taza sheteldik aktıvter boıynsha Qazaqstanǵa joǵary táýelsiz pozıtsııa berildi, ol 2021 jyldyń sońynda JІÓ-niń 37%-yn qurady.

Fitch esebinde atap ótilgendeı, qazaqstandyq bank sektorynyń kapıtal qory jetkilikti deńgeıde. 2022 jylǵy 3 toqsandaǵy jaǵdaı boıynsha jumys istemeıtin kredıtterdiń koeffıtsıenti 4,6% qurady.

Sarapshylardyń pikirinshe, ulttyq valıýtadaǵy salymdar boıynsha joǵary paıyzdyq mólsherlemeler jáne basqa da birqatar sharalar depozıtterde qarajatty saqtap qalýǵa múmkindik berdi.

Jaqyn ýaqyttan beri reıtıngtiń negizgi faktorlarynyń qataryna ESG kórsetkishteri qosyldy.

«Nesıe berýshilerdiń quqyqtary» ındıkatory boıynsha 20 jyldan astam ýaqyt boıy memlekettik boryshty qaıta qurylymdaýǵa jol bermeý Qazaqstannyń kredıttik qorjynyna oń áser etýde, - delingen Fitch esebinde.

Foto: gov.kz