Qazaqstandyq balýandar Halyqaralyq jarysta tórt júlde aldy

ASTANA. QazAqparat – Belarýs elinde ótip jatqan Táýelsiz Memleketter Dostastyǵy oıyndarynda erkin kúresten el qorjynyna 4 júlde tústi, dep habarlaıdy QazAqparat tilshisi.

Solıgorsk qalasynda ótken erkin kúresten báseke barysynda qazaqstandyq balýandar 3 kúmis, 1 qola aldy.

Halyqaralyq jarysta el quramsynan Erasyl Muhtaruly (57 keli), Arsen Ómirjan (79 keli) fınalda reseılik balýan Nachyn Mongýsh pen Magomed Magomaevtan jeńilip, kúmis medal aldy.

Al Maqsat Satybaldy (86 keli) fınalda ázerbaıjan balýany Arsenıı Djıoevke ese jiberip, taǵy bir kúmis medal aldy.

Sondaı-aq, Omarhan Nadırov (125 keli) qola júldeni qanaǵat tutty.

Eske salsaq, budan buryn qazaqstandyq dzıýdoshy Qanat Nurkeldi (60 keli) TMD elderi oıyndarynyń kúmis júldegeri atandy.