Qazaqstandyq balýan alǵashqy irikteý synynan súrinbeı ótti

ASTANA. QazAqparat - Astanada ótip jatqan qazaq kúresinen álem chempıonatynda 60 kelide synǵa túsken Qýanysh Ysqaqov alǵashqy irikteý syndarynan súrinbeı ótti, dep habarlaıdy QazAqparat tilshisi.

Ol ekinshi beldesýinde nemis balýanyn upaı sanymen utyp, kelesi aınalymǵa joldama aldy.

Esterińizge sala keteıik, álem birinshiliginde 40 memleketten kelgen 166 sportshy baq synap jatyr. Olar 9 salmaq dárejesinde 40 medal men 40 myń AQSh dollaryn quraıtyn júlde qoryn sarapqa salady. Búgin qazaq balýandary arasynda el namysyn 60 kelide Qýanysh Ysqaqov, 66 kelide Qasymhan Tólenbaı, 74 kelide Ǵalymjan Ábdirahmanov jáne absalıýtty salmaqta Aıbat Seıten (túıe balýan) qorǵaıdy.