Qazaqstandyq balýan álem chempıonatynyń fınalyna shyqty

NUR-SULTAN. QazAqparat - Qazaqstandyq Kamıl Kýrýglıev erkin kúresten 17 jasqa deıingi jasóspirimder arasyndaǵy álem chempıonatynda fınalǵa shyqty, dep habarlaıdy QazAqparat tilshisi.

Álem chempıonaty Italııa astanasy Rım qalasynda ótip jatyr.

Qazaqstandyq balýan 30 shildede jartylaı fınalda 92 keli salmaqta AQSh eliniń ókili Maksvell Raıan Makenellımen kúsh synasty. Beldesý barysynda ol senimdi oıyn kórsetti. Nátıjesinde qarsylasynan 12:2 esebimen basym túsip, fınalǵa joldama aldy.

Endi ol 31 shildede fınalda vengrııalyq Mýsa Ashrýnkaevpen tartysqa túsedi.

Fınaldyq oıyndar elorda ýaqytymen 21:00-de bastalady.

Sondaı-aq. el quramasynan Nurdanat Aıtanov (51 keli)sol kúni qola júldege talasady.

Eske salsaq, budan buryn dzıýdodan Azııa birinshiligine qatysatyn qazaqstandyq balýandar anyqtaldy.

Sportshylar 14 salmaqta synǵa túsedi. Olardyń qatarynda elimizdiń atynan qatysatyn 18 balýan bar.

Foto: kazakhstan__wrestling