Qazaqstandyq áıel Majarstanda koronavırýs juqtyrdy
14:24, 17 Naýryz 2020
NUR-SULTAN. QazAqparat - Majarstannyń Býdapesht qalasynda Qazaqstannyń bir azamaty koronavırýs juqtyrdy, dep habarlaıdy QazAqparat QR Syrtqy ister mınıstrligine silteme jasap.
«2020 jylǵy 16 naýryzda Qazaqstannyń Majarstandaǵy Elshiligine bizdiń bir azamatshamyz Býdapesht qalasynda koronavırýs kúdigimen jergilikti aýrýhanalardyń birine jatqyzylǵany týraly habarlama kelip tústi. Júrgizilgen medıtsınalyq taldaýlardyń nátıjelerine sáıkes dárigerlerdiń kúdigi rastaldy» delingen habarlamada.
Qazirgi ýaqytta QR azamatynyń densaýlyǵy turaqty, ol aýrýhanada emdelýde.
Atalǵan jaǵdaı qazaqstandyq dıplomattardyń erekshe baqylaýynda.