Qazaqstandyq avtojolaýshylar úshin mobıldi qosymsha iske qosyldy
Avtojolaýshylar «Sapar» mobıldi qosymshasyn respýblıkalyq mańyzy bar joldarda qoldana alady. Qosymsha onlaın jáne oflaın rejımde jumys isteıdi.
«Kólik júrgizýshileri respýblıkalyq mańyzy bar joldarmen júrgende bizdiń qosymshany qoldanýyna bolady. Jol boıyndaǵy qyzmet kórsetý nysandarynyń fýnktsııalary bar. Sonymen qatar avtojúrgizýshiler jol-jónekeı oqys oqıǵaǵa tap bolǵan jaǵdaıda «Sapar» mobıldi qosymshasy arqyly bizge habarlaı alady. ıAǵnı bolǵan jaıttyń mán-jaıyn jazyp, sýret nemese vıdeoǵa túsirip bizge jiberedi. Qosymshanyń kómegimen qajetti baǵytty tańdaǵan soń, ol joldyń uzyndyǵy, jol boıyndaǵy aqyly ýchaskeler, janar-jaǵarmaı quıý beketteri, dámhana jáne qonaqúıler týraly aqparat qoljetimdi bolady. Odan bólek, qosymshada aýa raıyna qatysty málimetter men eskertýler usynylady»,- dedi «QazAvtoJol» ulttyq kompanııasynyń sarapshysy Aleksandr Ozarchýk elordada ótip jatqan «Kaztraffic-2022» halyqaralyq kórmesiniń ashylýynda.
Onyń aıtýynsha, «Sapar» mobıldi qosymshasy ázirge Android qoldanýshylary úshin ǵana qoljetimdi. AppStore-da qoldanýshylary úshin Apple kompanııasymen kelisim jasalyp jatyr.
Mobıldi qosymshan paıdalanar aldynda tirkeýden ótý qajet. ıAǵnı qoldanýshynyń aty-jóni, uıaly telefony, poshtasy, sol sekildi aqyly jolda avtomatty túrde tólem jasaý úshin kólik týraly málimetterdi kórsetý kerek.
«Respýblıkalyq mańyzy bar avtojoldardaǵy qaýipsizdikti arttyrý jáne «Sapar» mobıldik qosymshasy arqyly keri baılanysty jaqsartý maqsatynda «1403» (sonymen qatar onlaın-chat) jáne «11»2 qysqa nómiri boıynsha «Qazavtojol»-dyń call-ortalyǵyna habarlasý múmkindigi qarastyrylǵan», - deıdi A. Ozarchýk.