Qazaqstandyq aýyr salmaqtaǵy boksshy WBC jáne IBF tıtýldaryna úmitkermen qashan aıqasady

NUR-SULTAN. QazAqparat – 24 qyrkúıekte birinshi aýyr salmaqtaǵy qazaqstandyq boksshy Serik Musadilov (10-0, 9 KO) Maıamıde (AQSh, Florıda shtaty) rıngke shyǵýdy josparlap otyr, dep habarlaıdy QazAqparat Sports.kz-ke silteme jasap.

Otandyq «Pandanyń» qarsylasy amerıkalyq Shon Mıller (18-6-1, 7 KO) bolýy tıis. Ol buǵan deıin birinshi aýyr jáne jartylaı aýyr salmaqtarda IBF International jáne WBC International tıtýlyna úmitker bolǵan. Alaıda, aıqasqa birneshe saǵat qalǵanda amerıkalyq boksshynyń jaraqatyna baılanysty toqtatylǵan edi.

BoxRec.com aqparatyna sáıkes, endi bul jekpe-jek eki aıdan keıin, 20 qarashada ótedi. Ótetin orny burynǵydaı qaldy.

Eske salaıyq, Serik Musadilov sońǵy ret rıngke 9 shildede Maıamıde shyqqan edi. Ol jekpe-jekte tóreshilerdiń biraýyzdan sheshimimen amerıkalyq Lamonta Keıpersti (11-15-5, 2 KO) jeńip, krýzerveıttegi bos turǵan NABA chempıony tıtýlyn ıelendi.