Qazaqstandyq áýe kompanııasyna Eýropa keńistiginde ushýǵa ruqsat etildi

ALMATY. QazAqparat - Azamattyq avıatsııa komıteti Eýropanyń áýe keńistigine 4-shi qazaqstandyq áýe kompanııasynyń ruqsat alǵanyn málimdedi, dep habarlaıdy QazAqparat. 

«Taǵy da bir qazaqstandyq áýe kompanııasynyń Eýrokomıssııanyń akkredıtatsııasynan ótkenin qýana habarlaımyz. «Comlux-kz» áýe kompanııasy Eýro komıssııanyń TSO (Third Country Operators-túpnusqada-red) akkerdıtatsııasynan ótip, Eýropa áýe keńistiginde ushýǵa ruqsat aldy. Bul - Eýroodaq elderine usha alatyn 4-shi qazaqstandyq kompanııa. Buǵan deıin, «Eır Astana», «Praım», «Qazeırdjet» kompanııalary eýroodaqtyń áýe keńistiginde ushýǵa ruqsat alǵan», - dep jazdy «Comlux-kz» kompanııasynyń ujymyn quttyqtaǵan Azamattyq avıatsııa komıtetiniń ókilderi Feısbýktaǵy jeke paraqshasynda.

TSO - Eýropa elderine ushý úshin 2014 jyly engizilgen shetel áýe kompanııalaryna júrgiziletin arnaıy akkredıtatsııalyq úderis.

Aıta keteıik, «Comlux-kz» áýe kompanııasy jeke ushaqtarǵa basshylyq jasap, VIP charterlik reısterin oryndaıdy. Kompanııada Qazaqstanda tirkelgen 4 ushaq bar. 2008 jyly qurylǵan. 2017 jyldyń 27 aqpanynda Qazaqstan Prezıdenti Nursultan Nazarbaev pen Reseı Prezıdenti V.Pýtın Almatyda atalǵan komanııanyń Reseıde quralǵan bıznes-djet ushaǵymen tanysqan bolatyn.