Qazaqstandyq áýe kompanııa Qytaıdan Ýkraınaǵa gýmanıtarlyq júk jetkizdi

KIEV. QazAqparat – Qazaqstandyq áýe kompanııa Qytaıdan Ýkraınaǵa gýmanıtarlyq júk jetkizdi, dep habarlaıdy QazAqparat tilshisi.

Gýmanıtarlyq júk jetkizý jumysyn «SCAT» áýe kompanııasy oryndady.

«Ýkraınalyq taraptyń ótinishimen ári Ýkraınadaǵy Qazaqstan Elshiliginiń kúsh salýymen 29 naýryzda qazaqstandyq «SCAT» áýe kompanııasy koronavırýs epıdemııasymen kúresý maqsatynda QHR-dan Ýkraınaǵa gýmanıtarlyq júk jetkizdi. Atap aıtqanda, júk arqyly Ýkraınaǵa qorǵanys kostıýmderi, medıtsınalyq maskalar men saqtyqqa arnalǵan ózge de quraldar tasymaldandy. «SCAT» áýe kompanııasy «gýmanıtarlyq» reısterdi oryndaý jumysyn jalǵastyra beredi», - dep habarlaıdy Elshilikten.