Qazaqstandyq astrofızık aqyrzaman týraly qaýesetti joqqa shyǵardy
13:56, 28 Aqpan 2014
ASTANA. QazAqparat - Qazaqstandyq astrofızık jaqyn arada asteroıdtiń qulaýynan bolatyn aqyrzaman týraly qaýesetti joqqa shyǵardy.
Esterińizge salaıyq, 2003 jyly amerıkandyq baqylaýshylar dıametri 1,4 kılometr quraıtyn asteroıdti ashty. Boljam boıynsha, atalǵan asteroıd Jermen 2014 jylǵy 21 naýryz kúni qaqtyǵysyp qalýy múmkin bolatyn. Alaıda, Qazǵarysh qaramaǵyndaǵy uıymynyń quramyna kiretin Vasılıı Fesenkov atyndaǵy astrofızıkalyq ınstıtýttyń Aı men planetalar fızıkasy zerthanasynyń basshysy Vıktor Teıfeldiń málimdemesine sáıkes, atalǵan aspan denesi eshqandaı qaýip tóndirmeıdi. Qazǵarysh baspasóz qyzmetiniń málimetinshe, asteroıd 26 naýryz kúni Jerge tımeı, odan Aıǵa deıingi qashyqtyqtan 49,9 ese kóp qashyqtyqta ótip ketedi.