Qazaqstandyq áskerıler quzǵa shyǵý daıarlyǵyn jetildirýde
Armııa ortalyq sport klýbynyń sportshylary 2007-2009 jyldardaǵy Chempıonattar men Azııa Birinshilikterinde 12 medaldi ıelenip, Álem Chempıonatynyń nátıjeleri boıynsha álemniń myqty ondyǵynyń tizimine engen bolatyn. Taý daıarlyǵy boıynsha Armııa ortalyq sport klýbyna qaraıtyn shtattyq komandanyń sportshysy kishi serjant Devıaterıkov Artem - 2010 jyly Taılandta kúrdeli 8 b+ quz jolyn baǵyndyrǵan qazaqstandyq jalǵyz sportshy. Armııada quzǵa shyǵý ózekti sport túriniń biri bolyp sanalatynyn aıta ketken jón. Sebebi áskerı qyzmetshi kez kelgen sátte qarsylasyna toıtarys berýge daıyn bolýy qajet.
Sonymen qatar, Taýdaǵy úsh saıys boıynsha Kabardıno-Balkarııada shilde aıynda ótken TMD dostas armııalar arasyndaǵy Chempıonatta bizdiń sportshylar ekinshi oryndy ıelengenin esterińizge sala keteıik. Jarysqa Reseı Federatsııasy, Ońtústik Osetııa jáne Qazaqstannyń komandalary qatysqan bolatyn. Taý daıarlyǵy boıynsha Qazaqstan armııasynyń namysyn QR QM Armııa ortalyq sport klýbynyń sportshylary kishi serjant Artem jáne Nıkıta Devıaterıkovter, sondaı-aq sport rotasynyń qatardaǵy jaýyngeri Roman Kostıýkov qorǵady. Chempıonat úsh kezeńnen turdy. Birinshi kezeńdegi saıystar - jeke quzǵa shyǵý jáne eki adamnan qosarlap shyǵý boıynsha ótti. Ekinshi kezeńde sportshylar 12 kedergi boıynsha 370 metrlik bıiktikti baǵyndyrdy. Taýdaǵy úsh saıystyń úshinshi kezeńi shtattyq qarýdan atý arqyly 5 shaqyrymǵa deıin júgirýden turdy. Ár sportshy ıyǵyna artqan 15 kg júgimen qosa tolyq áskerı jabdyǵyn arqalaǵan kúıi jarysqa shyqty.