Qazaqstandyq áskerıler álem kýbogynda júldeger atandy

NUR-SULTAN. QazAqparat - Qazaqstandyq áskerıler komandasy álem kýbogynda qoıan-qoltyq urystan «qola» medal ıelendi, dep habarlaıdy QazAqparat Qorǵanys mınıstrligine silteme jasap.

Leıptsıg qalasynda qoıan-qoltyq kúresten álem kýbogy aıaqtaldy. Halyqaralyq týrnırge 26 komanda jáne 200-den astam sportshy qatysty.

Qazaqstandyq áskerı sportshylar «Ózin-ózi qorǵaý» boıynsha aıryqsha kózge tústi. Birinshi týrda birinshi orynǵa ıe bolǵan - Baýyrjan Syzdyqbaev (90 keli), Ádil Qaıyrbaev (80 kelige deıin) jáne Maqsat Bekmuhanbetov (80 keliden asa) ekinshi oryn alsa, Serik Qaınarbaev (90 keli) jáne Qanat Baımurzın (80 keliden asa) úshinshi oryndy qanaǵat tutty.

Ekinshi týrda qazaqstandyq qoıan-qoltyq sportynyń ókilderi Jandos Asqarbekuly (80 keli), Aıbek Sámetaev (85 keli) jáne Jeńis Erdaýlet (90keliden asa), sonymen qatar Ashat Jylysbekov (60 keli), Nurtas Jumaǵazyuly jáne Ermek Kerimsheev (90 keli) laıyqty óner kórsetip, kósbasshylar úshtigine endi.

Qazaqstan qurama komandasy komandalar arasyndaǵy jalpy esepte úshinshi oryndy ıelenip, tek Reseı jáne Ózbekstan komandalaryna ǵana jol berdi.