Qazaqstandyq áskerı ushqyshtar qysqa daıyndalyp jatyr
Avıatsııalyq tehnıka basqa tehnıkalar syndy jyldyń sýyq mezgilinde paıdalanýda aldyn ala daıyndyqty qajet etedi. Kúzgi-qysqy kezeńde jumys isteý jáne paıdalanýǵa daıyndaý jumystary sýyq bastalǵanǵa deıin júrgiziledi. Munda tek oqý-óndiristik bazasy men jerdegi qyzmet kórsetý quraldaryn daıyndaý isi avıatsııalyq tehnıkadaǵy trenajdardy ázirleý josparly reglamenttik jumystarymen ushtastyrylady.
«Sýyq kúnder bastalǵansha avıatsııa mamandary Áýe qorǵanysy kúshteri áskerı ınstıtýtynyń avıatsııalyq parkindegi ushaqtar men tikushaqtardy daıyndaýy tıis. Bir áýe kemesin qysqa daıyndaý jumystary jeti kúnge deıin sozylady, onyń ishinde qozǵaltqyshtardyń, báseńdetkishterdiń maıyn aýystyrý boıynsha montajdaý jáne bólshekteý jumystary júrgiziledi, radıoelektrondyq jabdyqtar tekseriledi, sondaı-aq arqan tartý jáne taǵy da basqa jumystar oryndalady» - deıdi aǵa ınjener-ádisker, podpolkovnık Nurken Jumashev.
Onyń aıtýynsha, munda kabına shynysynyń rezeńke tyǵyzdaýyshyna, amortızatsııalyq tirekterge, kúshtik tsılındrlerge jáne júıelerdegi basqa da qosylystarǵa erekshe kóńil bólinedi. Elektrlik, radıotehnıkalyq jáne navıgatsııalyq jabdyqtar, sondaı-aq órtke qarsy júıe ózine erekshe kóńil bólýdi talap etedi.
Qysqy kezeńge avıatsııalyq tehnıkany ǵana emes, Áýe qorǵanysy kúshteri áskerı ınstıtýtynyń oqý-avıatsııalyq ortalyǵynyń ushý-nusqaýshy quramyn da daıyndaıdy. Al kúzgi-qysqy kezeńdegi daıyndyqty barlyq avıatsııalyq personal mindetti túrde ótedi. Ushqyshtar synaqtardy tapsyryp, qıyn meteorologııalyq jaǵdaılarda, kúndiz jáne túnde, nóldik kóriný jaǵdaıynda ushady.
Tikushaqtarda kúzgi-qysqy kezeńdegi praktıkalyq daıarlyǵynda jerdegi jáne aýadaǵy avarııalyq jaǵdaılar boıynsha, aspaptar arqyly ushý jáne qoný, «ekinshi aınalymǵa» ketý, «tikushaqty kúrdeli jaǵdaıdan shyǵarý» pysyqtalady. Sondaı-aq kún saıyn izdestirý-qutqarýdy qamtamasyz etý boıynsha kezekshilik atqarylady.