Qazaqstandyq áskerı sportshy halyqaralyq kúres týrnırinen kúmis júlde aldy

ASTANA. QazAqparat - Aıtýly sport básekesine álemniń 45 elinen 500-den astam áskerı sportshy qatysty, dep habarlaıdy QazAqparat QR Qorǵanys mınıstrligi Armııa ortalyq sport klýby - Sport komıtetine silteme jasap.

«Bolgarııanyń Rýse qalasynda «Dan Kolov - Nıkola Petrov» atty reıtıngi joǵary kúresten halyqaralyq týrnır ótti. Atalǵan básekede Armııa ortalyq klýbynyń sportshysy Marına Sedneva 55 kelige deıingi salmaq dárejesinde kúmis medal ıelendi», - dep jazylǵan komıtettiń Feısbýk paraqshasynda.

«Kúres qıyn, ymyrasyz báseke boldy. Men úsh beldesý ótkizdim, osy oraıda qarsylastarymnyń ońaıǵa túspegenin aıta ótken jón. Jalpy óz nátıjeme kóńilim toldy. Endi 21-25 naýryzda Mońǵolııada ótetin Azııa chempıonatyna daıyndyqty kúsheıtý qajet», - dedi M.Sedneva.

Aıta ketsek, halyqaralyq týrnırge 45 elden, 500-den astam áskerı sportshy qatysty. Jarys bolgar sportshylary Dana Kolova men Nıkola Petrovanyń qurmetine uıymdastyryldy. Sondaı-aq, ol álemdik kúres birlestigi (UWW) kúntizbesine kiredi.