Qazaqstandyq áskerı qyzmetshiler Azııa chempıonatynan júlde alyp qaıtty

ASTANA. QazAqparat - Qytaıda sporttyq baǵdarlaýdan Azııanyń VI chempıonaty óz máresine jetti. Onda Armııa ortalyq sport klýbynyń sportshylary qola júldegerler atandy. Bul týraly QR Qorǵanys mınıstrliginiń resmı saıtynda jarııalandy.

Saıysqa 11 elden 300-den asa sportshy qatysty. Qatysýshylarǵa sporttyq karta jáne kompastyń kómegimen barynsha qysqa ýaqytta júrip ótilgen jerde ornalasqan baqylaý pýnktteri arqyly tanys emes tasjoldan ótý qajet boldy. Nátıjeler jınalǵan upaılar sany boıynsha anyqtaldy.

Saıys qorytyndylary boıynsha armııalyq sportshylar, halyqaralyq dárejedegi sport sheberleri kapıtan Denıs Vlasov pen merzimdi qyzmettegi qatardaǵy jaýynger Vıtalıı Lýkashevıch qola júldeger atandy. Ótken týrnır reıtıngtik bolyp tabylatynyn aıta ketý qajet. Onyń qorytyndysy boıynsha maksımaldy upaı sanyn jınaǵan jeńimpazdar men júldegerler bıylǵy jyldyń tamyzynyń 13-i men 17-i aralyǵynda Norvegııada ótetin álem chempıonatyna qatysady.