Qazaqstandyq áskerı dárigerler London áýejaıynda ózin jaısyz sezingen jolaýshyny qutqaryp qaldy
19:46, 16 Shilde 2016
ASTANA. QazAqparat - Qazaqstandyq áskerı dárigerler Londonnyń Hıtroý áýejaıynda ózin jaısyz sezingen jolaýshyǵa kómek kórsetti.
Bul týraly Qazaqstan Respýblıkasynyń Ulybrıtanııadaǵy Elshiliginiń baspasóz qyzmeti habarlady.
Qazaqstannyń «Kazbat» bitimgershilik batalony Ulybrıtanııaǵa «Dala qyrany-2016» arnaıy taktıkalyq oqý-jattyǵýyna qatysý úshin ushyp kelgen. Olar Hıtroý áýejaıynda pasporttyq baqylaý kezinde ózin jaısyz sezingen jolaýshy áıelge alǵashqy medıtsınalyq járdem jasady. Kómek áýejaıdyń medıtsınalyq qyzmeti ókilderi kelip jetkenge deıin der kezinde kórsetildi.
«Dala qyrandary-2016» halyqaralyq arnaıy taktıkalyq oqý-jattyǵýyna Qazaqstan, Birikken Koroldik, AQSh, Qyrǵyzstan, Tájikstan elderiniń áskerı qyzmetkerleri qatysady. Ol 16-30 shilde kúnderi aralyǵynda Ulybrıtanııada ótedi.