Qazaqstandyq asa aýyr salmaqtaǵy boksshy WBC reıtıngi TOP-20 qataryna endi

NUR-SULTAN. QazAqparat - Dúnıejúzilik boks keńesi (WBC) barlyq salmaq sanattary ókilderiniń reıtınginiń jańartylǵan nusqasyn usyndy, dep habarlaıdy QazAqparat Sports.kz saıtyna silteme jasap.

Qazaqstan boksshylarynyń ustanymdary:

WBC International Silver tujyrymy boıynsha aýyr salmaqtaǵy chempıon Jan Kosobýtskı 23-ten 19-ǵa kóterildi.

Qamshybek Kúnqabaev tórt pozıtsııany qaıtaryp alyp, birinshi aýyr salmaqtaǵy reıtıngte 32-orynǵa turaqtady.

Ekinshi orta kategorııada Aıdos Erbosynuly 17-orynǵa syrǵyp, TOP-15-ten shyqty. Álı Ahmedov eki satyǵa kóterildi - 21-shi.

Orta salmaqta Jánibek Álimhanuly tórtinshi, al Meıirim Nursultanov 17-shi oryndy saqtap qaldy.

Birinshi orta dıvızıonda óner kórsetetin Sadrıddın Ahmedov 20-shy bolyp qaldy.

Jartylaı orta salmaqtaǵy Danııar Eleýsinov pozıtsııasyn úsh satyǵa jaqsartty - 20-shy.

Batyr Júkembaev birinshi jartylaı orta salmaq sanatyndaǵy reıtıngte burynǵysynsha 22-orynda tur. Dál osyndaı reıtıngke 39-shy orynmen Rýslan Mádıev endi.