Qazaqstandyq 59 kompanııa Iranǵa taýar jetkizýge daıyn
«Ulttyq palata tarapynan shet elge taýaryn shyǵarǵysy keletin qazaqstandyq eksporttaýshy kompanııalardyń pasporttaryn daıyndap jatyrmyz. Qazir shetelge taýar shyǵarýǵa daıyn ekenin resmı jarııalaǵan 59 kompanııanyń pasportyn ázirledik. Olar standart pen sapa boıynsha, sertıfıkattary jaǵynan da Iranǵa taýar jetkizýge daıyn», - dedi Aıan Erenov.
Qazaqstan naryǵynda taýaryn ótkize almaǵandarǵa Iranǵa shyǵýǵa keńes bergen Aıan Erenov, bul rette, qarjy aýdyrymy jaǵynan birqatar qıyndyqtar kezdesýi múmkindigin eskertti.
«Kásipkerlerge osy arada birneshe keńes bergim keledi. Qazaqstandyq kásipkerler úshin Iran básekege qabilettiligi tómen el retinde qarastyrylady. Bul - qate pikir. Eger kompanııa ónimin Qazaqstanda júzege asyra almasa, Iran naryǵyna shyǵýdy oılastyrǵany jón. Mańyzdy máselege mán bere keteıik. Satýshy men satyp alýshylar arasyndaǵy qarjylyq operatsııalar boıynsha qıyndyqtar kezdesken. Kóptegen kompanııalar Iran aýmaǵyna júk jetkizý, ony júzege asyrý jaǵynan emes, oryndalǵan kelisimshart boıynsha qarjy aýdarý máselesinde keshigý jıi oryn alatynyn aıtady. Bizdiń Ulttyq palatada tólem júıesi boıynsha satyp alýshydan satýshyǵa qarjy aýdarý 1,5 aıǵa keshikken jaǵdaı boldy. Sondyqtan, osy jaǵyna mán berýge shaqyramyn», - dedi ol.
Aıta keteıik, búgin Almatyda QR «Kaznex Invest» eksport jáne ınvestıtsııalar agenttigi men Zoodel on-laın V2V saýda alańynyń uıymdastyrýymen «Iranmen bıznes júrgizý» birinshi saýda-ekonomıkalyq konferentsııasy ótip jatyr. Uıymdastyrýshylar eki el arasynda mundaı shara birinshi ret uıymdastyrylyp otyrǵanyn aıtady. Konferentsııaǵa Irannan quramynda memlekettik organ, bıznes ókilderi, Iran Islam Respýblıkasynyń banki, Iran-Qazaqstan iskerlik keńesi, Iran memlekettik eksport-nesıe agenttigi ókilderi engen arnaıy delegatsııa keldi.