Qazaqstandyq 5 boksshy IBF reıtıngine endi

NUR-SULTAN. QazAqparat – Halyqaralyq boks federatsııasy (IBF) orta salmaqtaǵy úzdik boksshylardyń jańalanǵan reıtıngin jarııalady, dep habarlaıdy QazAqparat.

Aıta ketsek, TOP-15-ke Qazaqstannyń birden 5 boksshysy endi. Gennadıı Golovkın (40-1-1, 35 KO) – orta salmaqtaǵy IBF chempıony bolsa, 10-orynda – Meıirim Nursultanov (13-0, 8 KO), 11-inshi pozıtsııada – Jánibek Álimhanuly (9-0, 5 KO).

Al 13-inshi satyǵa Anatolıı Mýratov (22-2-1, 15 KO) ornalastyrylǵan. Ol Germanııa atynan óner kórsetip júrgenimen, IBF saıtynda ol Qazaqstan azamaty retinde kórsetilgen. Sebebi Mýratov Taldyqorǵanda týǵan.

Reıtınginiń 14-ornynda Qanat Islam (27-0, 21 KO) tur.