Qazaqstandyq 20 joǵary oqý orny Prezıdenttik olımpıada jeńimpazdaryna granttar bóldi
Olımpıadanyń respýblıkalyq kezeńi jaratylystaný – matematıkalyq baǵyttaǵy pánder boıynsha 15-18 qarasha aralyǵynda ótti. Zııatkerlik saıystyń qorytyndysy boıynsha 48 oqýshy jeńimpaz jáne júldeger atandy. QR BǴM I dárejeli dıplomdarymen — 11 oqýshy, II dárejeli
dıplomdarmen — 15 oqýshy jáne III dárejeli dıplomdarmen 22 oqýshy marapattaldy.
«Bilim jáne ǵylym mınıstrligi Memleket basshysynyń
tapsyrmasy boıynsha daryndy balalardy qoldaý boıynsha sharalar qabyldap jatyr. Qazaqstandyq 20 joǵary oqý orny Prezıdenttik olımpıadanyń jeńimpazdary men júldegerlerin qoldaýǵa nıet bildirip,
olarǵa arnaıy granttar bóldi. Bul olımpıada ótkizý barysynda daryndy balalardy kótermeleý úshin qolǵa alynǵan alǵashqy teńdessiz shara. Mundaı qoldaý daryndy balalardyń áleýetin iske asyrýǵa jáne elimizdiń adamı kapıtalyn damytýǵa qomaqty úles qosýǵa múmkindik
beredi. Sondaı-aq oqýshylar QR BǴM dıplomdaryn, medaldar men qazaqstandyq joǵary oqý oryndarynda bilim alý sertıfıkattaryn aldy. Oqýshylarymyzdyń nátıjeleri el ishindegi, tipti túrli halyqaralyq olımpıadalarda da jaqsaryp kele jatqanyn atap ótken
jón», — dedi «Daryn» respýblıkalyq ǵylymı-praktıkalyq ortalyǵynyń dırektory Tımýr Nurkeshov.
Esterińizge sala keteıik, HІV Prezıdenttik olımpıadanyń
respýblıkalyq kezeńi E.A. Bóketov atyndaǵy Qaraǵandy ýnıversıtetinde ótti. Zııatkerlik baıqaýǵa elimizdiń barlyq óńirinen óńirlik jáne irikteý kezeńderiniń nátıjesi boıynsha iriktelgen 182 oqýshy qatysty. Oqýshylarǵa
tórt pán boıynsha tapsyrmalar berildi: matematıka, fızıka, hımııa jáne bıologııa.
Prezıdenttik olımpıadaǵa qatysýshylardyń jumysyn Qazaqstannyń jetekshi joǵary oqý oryndarynyń mamandary, halyqaralyq olımpıadalarynyń jeńimpazdary men júldegerleri baǵalady. Barynsha
ashyqtyqty qamtamasyz etý úshin konkýrs onlaın kórsetildi.
Prezıdenttik olımpıadanyń jeńimpazdary men júldegerlerinegrant bergen 20 joǵary oqý ornynyń tizimi:
1. Akademık E. A. Bóketov atyndaǵy Qaraǵandy ýnıversıteti
2. Sársen Amanjolov atyndaǵy Shyǵys Qazaqstan ýnıversıteti
3. Sátbaev Ýnıversıteti
4. Safı Ótebaev atyndaǵy Atyraý munaı jáne gaz ýnıversıteti
5. M. Áýezov atyndaǵy Ońtústik Qazaqstan ýnıversıteti
6. H. Dosmuhamedov atyndaǵy Atyraý ýnıversıteti
7. Rýdnyı ındýstrıaldyq ınstıtýty
8. Qorqyt Ata atyndaǵy Qyzylorda ýnıversıteti
9. Q. Jubanov atyndaǵy Aqtóbe óńirlik ýnıversıteti
10. Pavlodar pedagogıkalyq ýnıversıteti
11. Y. Altynsarın atyndaǵy Arqalyq pedagogıkalyq ınstıtýty
12. Narhoz
13. Qazaqstan-Brıtan tehnıkalyq ýnıversıteti
14. M. S. Nárikbaev atyndaǵy KazGıÝÝ ýnıversıteti
15. Almaty Menedjment Ýnıversıteti
16. Ońtústik Qazaqstan memlekettik pedagogıkalyq ýnıversıteti
17. Sh. Ýálıhanov atyndaǵy Kókshetaý ýnıversıteti
18. Mirjaqyp Dýlatov atyndaǵy Qostanaı ınjenerlik-ekonomıkalyq ýnıversıteti
19. Kaspıı qoǵamdyq ýnıversıteti
20. Qoja Ahmet ıAsaýı atyndaǵy Halyqaralyq qazaq-túrik ýnıversıteti