Qazaqstandyq 14 jasar tennısshi Barselonadaǵy jarystyń jeńimpazy atandy

ASTANA. QazAqparat - Qazaqstandyq Tomırıs Nurjan Barselonada ótken Open Banc Sabadell U-14 Champion týrnıriniń jeńimpazy atandy, dep habarlaıdy QazAqparat tilshisi.

Qazaqstan tennıs federatsııasynan málim etkenindeı, 14 jasar qazaqstandyq tennısshi fınalda jergilikti oıynshyny 6:4, 6:2 esebimen tize búktirdi.

Chempıonǵa syılyqty Katalonııa meri tapsyryp, onyń jeńiske degen jigerin atap ótip, jas qazaqstandyqty qoldaýǵa daıyn ekendigin jetkizdi.

Osy jeńisiniń arqasynda Tomırıs segiz úzdik tennısshimen birge sáýir aıynda Barselonada ótetin jarysta óner kórsetedi. Bul doda ATP 500 týrnırimen qatar ótedi.

Eske sala keteıik, budan buryn qazaqstandyq tennısshilerdiń álemdik reıtıngidegi oryndary anyqtalǵanyn jazǵan bolatynbyz.

Sondaı-aq ıÝlııa Pýtıntseva Ábý-Dabıde negizgi jarysqa joldama aldy.

Foto - Qazaqstan tennıs federatsııasy