Qazaqstandyq 12 oqýshy Mendeleev olımpıadasynda júldeger boldy

ASTANA. QazAqparat - Astanada hımııa páninen oqýshylardyń 57-shi Halyqaralyq Mendeleev olımpıadasy aıaqtaldy. Qazaqstan qurama komandasy eki kúmis jáne 10 qola medal jeńip aldy, dep habarlaıdy QazAqparat.

Kúmis medal ıegerleri - Astana qalasynyń daryndy er balalarǵa arnalǵan «Bilim-Innovatsııa» lıtseıiniń 11 synyp oqýshysy Álıhan Smet jáne Haileybury Almaty mektebiniń 11 synyp oqýshysy Insar Imash.

Qola júldegerler tizimi mynadaı:

Bekbolat Mamyrbekov – Shyǵys-Qazaqstan oblystyq daryndy balalarǵa arnalǵan «Bilim-Innovatsııa» lıtseıiniń 11 synyp oqýshysy;

Shákir Jaqsylyq– Mańǵystaý oblystyq «Bilim-Innovatsııa» lıtseı-ınternatynyń 10 synyp oqýshysy;

Dıas Qorshybek - mamandandyrylǵan «Bilim-Innovatsııa» lıtseıiniń 10 synyp oqýshysy;

Kırıll Kım – Astana qalasyndaǵy fızıka-matematıkalyq baǵyttaǵy Nazarbaev Zııatkerlik mektebiniń 10 synyp oqýshysy;

Álibı Muǵalim - Mańǵystaý oblystyq «Bilim-Innovatsııa» lıtseı-ınternatynyń 11 synyp oqýshysy;

Aıbol Orazalın – Almaty qalasynyń mamandandyrylǵan «Bilim-Innovatsııa» lıtseıiniń 11 synyp oqýshysy;

Ádiljan Moldaǵul - Mańǵystaý oblystyq «Bilim-Innovatsııa» lıtseı-ınternatynyń 10 synyp oqýshysy;

Abylaı Kabdýlhadyr - Astana qalasyndaǵy fızıka-matematıkalyq baǵyttaǵy Nazarbaev Zııatkerlik mektebiniń 10 synyp oqýshysy;

Rınat Ilıýsızov – Pavlodar qalasynyń daryndy balalarǵa arnalǵan № 8 mektep-lıtseıiniń 10 synyp oqýshysy;

Asanáli Qalı – Qostanaı oblystyq «Bilim-Innovatsııa» lıtseı-ınternatynyń 11 synyp oqýshysy.

Sondaı-aq «Teorııalyq týrdaǵy úzdik sheshim»nomınatsııasy boıynsha QR Oqý-aǵartý mınıstriniń arnaıy syılyǵymen astanalyq Álıhan Smet marapattaldy.

Olımpıada jeńimpazdaryna elimizdiń bes jetekshi otandyq joǵary oqý ornynan 17 grant bólindi.

Esterińizge sala keteıik, hımııa páninen oqýshylardyń 57-shi Halyqaralyq Mendeleev olımpıadasyna 21 elden 116 oqýshy qatysty.