Qazaqstandyq 100 myń stýdent Coursera pltaformasynda bilim alady
Baspasóz qyzmetńniń málimetterine qaraǵanda, Ǵylym jáne joǵary bilim mınıstri Saıasat Nurbek pen Coursera halyqaralyq sektorynyń dırektory Metıý Klıaınnyń kezdesýinde osy másele talqylandy.
Basqosýǵa bilim platformasynyń aımaqtyq seriktesiniń ókili Raýan Kenjehanuly qatysty.
Іs-sharada taraptar buǵan deıin Ǵylym jáne joǵary bilim mınıstrligi, Tsıfrlyq damý, ınnovatsııa jáne aeroǵarysh ónerkásibi mınıstrligi jáne Coursera kompanııasy arasynda qol qoıylǵan úshjaqty memorandýmnyń júzege asyrylý barysyn talqylady.
«Aımaqtaǵy 25 joǵary oqý ornynyń stýdentteri Coursera platformasynda oqı alady. Olar platformadaǵy kýrstardy tańdap, qazaq nemese orys tilinde bilimin jetildire alady. Sátti ótken kýrstar joǵary oqý oryndarynda kredıt bolyp esepteledi. Qazirdiń ózinde 50 kýrsty beıimdeý jáne aýdarý jumystary júrgizilýde. Coursera-men yntymaqtastyq qazaqstandyq joǵary oqý oryndarynyń áleýetine oń áser etedi dep oılaımyz», – dedi Saıasat Nurbek.
Tárjimalanǵan alǵashqy 50 kýrs 2023 jyldyń qańtaryna qaraı daıyn bolady, sosyn keleshekte JOO-nyń talap-tilegi men suranysyna qaraı jyl saıyn keminde 100 kýrsty aýdarý josparlanǵan. Qazaqstandyq oqytýshylar óz kýrstaryn Coursera platformasynda ornalastyrýǵa múmkindik aldy.
Alǵashqy 50 kýrstyń tizimine negizinen AQSh-tyń jetekshi joǵary oqý oryndarynyń bilim berý platformalary, sondaı-aq Gonkong ǵylym jáne tehnologııalar ýnıversıtetiniń az bóligi kirdi.
Endi belgili professor Jefrı Robert Chasnovtyń ınjenerlerge arnalǵan matematıka kýrsyn nemese Kolorado ýnıversıtetiniń porfessory Greg Ýılıamstyń kıbershabýyldy anyqtaý boıynsha bilim berý baǵdarlamasyn qazaq tilinde tyńdaýǵa bolady.
Coursera – álemniń aldyńǵy qatarly 250 ýnıversıteti men tehnologııa alyptaryn biriktiretin, dúnıe júzindegi asa iri bilim berý uıymy. Jyl saıyn Coursera platformasynda álemniń 200 elinen 100 mıllıonnan astam adam oqıdy.
Atap óteıik, Qazaqstandaǵy Coursera qoldanýshylarynyń sany 361 myń adamǵa jetti.