Qazaqstandyq 100 kompanııa AliBaba alańynda altyn akkaýntqa ıe boldy
«2019 jyly Saýda mınıstrligi qurylǵannan keıin elimizde «QazTrade» ınstıtýty quryldy. Atalǵan ınstıtý eksportty ilgeriletý jónindegi ulttyq operator retinde tańdaldy. Ol saraptamalyq bloktan bastap, eksporttyq akseleratsııa, halyqaralyq kórme men is-sharalardy uıymdastyrýdan elektrondyq saýda alańdaryna shyǵarýǵa deıingi qarjylyq emes qoldaý sharalaryn kórsetedi. ıAǵnı, osy mindettiń barlyǵy «QazTrade» ınstıtýtyna júktelgen», - dedi Ómirbek Bashtaı.
Sondaı-aq, maman otandyq elektrondyq kommertsııa aıasynda sóz qozǵady. Onyń aıtýynsha, qazaqstandyq eksporttaýshylardy AliBaba saýda elektrondyq alańyna shyǵarý quraly bar.
«Memleket bıýdjet qarajaty esebinen qazaqstandyq kásiporyndar úshin altyn akkaýnt satyp alady, onyń baǵasy ótken jyly shamamen 3 myń dollar turdy. Akkaýnt qaıtarymsyz negizde beriledi. Basty talap kásiporynnyń eksporttyq kelisimsharty bolýy mindetti. Óz kezegimizde eksporttyq kelisimsharty bar otandyq kásiporyndarǵa altyn akkaýnt usynamyz. Onyń artyqshylyǵy nede? Satyp alýshy AliBaba elektrondy alańynan taýar izdegen kezde altyn akkaýnty bar kásiporyndardyń ónimi birinshi bolyp shyǵady. Al jaı akkaýnty bar kásiporyndardyń ónimi taýar tizimderiniń sońynda qalýy múmkin. Osy oraıda eksporttaýshynyń altyn akkaýnty bolýy mańyzdy ári tıimdi. Atalǵan joba elimizde ótken jyly alǵash ret qolǵa alyndy. 2020 jyldyń qorytyndysy boıynsha 100 otandyq kompanııa AliBaba saýda alańynda altyn akkaýntqa ıe boldy. Bıyl taǵy 60 kompanııaǵa kóbeımek. Jalpy AliBaba elektrondy saýda alańynda 4 myńnnan astam qazaqstandyq taýar túri satýǵa qoıylǵan», - deıdi ol.