«Qazaqstandy» jaldaý quny - 50 myń dollar» - BAQ-qa sholý

ASTANA. 5 aqpan. QazAqparat - «QazAqparat» agenttigi respýblıkalyq basylymdarda 5 aqpan, seısenbi kúni shyqqan ózekti materıaldarǵa sholýdy usynady.

***

«Oıpatty jerdiń tumany oılandyrady. Kókshetaý - Almaty baǵytyndaǵy jolaýshylar ushaǵynyń apatqa ushyrap, adamdardyń qaza tabýy qabyrǵa qaıystyrar qaıǵy bolyp, barshany qınap otyr. Apat aıtyp kelmeıdi, ómir bar jerde ólim bar desek te, qaıtalanǵan oqıǵa oılandyrýǵa tıis. Osyndaı jaılardan alar sabaqtyń biri áýejaılardyń hal-kúıi, ornalasqan mekeni bolsa kerek. Redaktsııamyzǵa osy kúnderde qatar kelgen eki pikirdiń de ıeleri negizinen bir oıdy ortaǵa salady - Almaty áýejaıyn qaladan alys­taý, tuman torlamaıtyn tusqa, Qapshaǵaı mańaıynan salý jónindegi kezinde kóterilip, qarjy qıyndyǵyna baılanysty júzege aspaǵan usynysty qaıtadan qaraýdyń kókeıge qonymdylyǵyn aıtady. Úkimet deńgeıinde ǵana sheshim tabýy múmkin memlekettik máselege tıisti oryndar nazar salady dep senemiz»,-dep jazady «Egemen Qazaqstan» gazeti «Áýe qaýipsizdigi - ulttyq qaýipsizdik» atty maqalada.

Keshe Astanada Úkimet basshysy Serik Ahmetovtiń qatysýymen Aýyl sharýashylyǵy mınıstrliginiń keńeıtilgen alqa májilisi bolyp ótti. Alqa májilisinde negizgi baıandamany jasaǵan Aýyl sharýashylyǵy mınıstri Asyljan Mamyt­bekov sala boıynsha ótken jylǵy jumystardyń qorytyndylaryna jáne 2013 jyly alda turǵan mindetterge toqtalyp ótti. Mınıstrdiń aıtýynsha, ótken jyl aýyl sharýashylyǵy úshin kúr­deli jyl­dardyń biri bolǵan. Birqatar aımaqtar qurǵaqshylyqqa tap boldy. Alaıda, elimizde sońǵy jyldary engizile bastaǵan ylǵal únemdeý tehnologııasyn belsendi túrde jalǵastyrýdyń arqasynda jalpy alǵanda, astyq túsimin jaman deýge bolmaıdy. Jıyny 12,9 mıllıon tonna bıdaı jınalǵan. Bul ónim kólemi ishki naryq qajettiligin qamtamasyz etýmen qatar eksportqa 7,8 mıllıon tonna bıdaı jóneltýge (onyń aldyndaǵy jyldyń qaldyqtaryn qosa eseptegende) múmkindik berdi. Elimizdiń ekonomıkasynda mańyzdy oryn alyp otyrǵan osy saladaǵy málimetter jaıynda tolyq bilgińiz kelse, osy basylymdaǵy «Aýyldy qoldaý kúsheıe bermek» degen maqalany oqyp shyǵyńyz.

***

«Aıqyn» gazetiniń búgingi sanynda «Qazaqstandy» jaldaý quny - 50 myń dollar» atty maqala kópshilik nazaryna usynylyp otyr. Elordadaǵy «Qazaqstan» kontsert zalyn bir kúndik jaldaý aqysy 50 myń AQSh dollaryn quraıdy. Eger óner ıesi daıyndyǵymen qosqanda mádenı nysandy eki kúnge jaldasa, 100 myń AQSh dollaryn tóleýi kerek. Baǵasynyń tym qymbatqa túsýine baılanysty ótken jyly bul zalda aımaqtardyń gastroldik kontsertteri múlde ótpegen. Almatydaǵy «Respýblıka» saraıy da kúndik aqysy úshin 40 myń AQSh dollaryn suraıdy eken. Mundaı jaǵdaıda ulttyq mádenıetti qalaı damytýǵa bolady? Bul saýaldy Mádenıet jáne aqparat mınıstrliginiń alqa májilisinde Májilis depýtaty, áleýmettik-mádenı damý komıtetiniń tóraıymy Darıǵa Nazarbaeva qoıdy.

«Ótken aptanyń ózekti taqyryby - Memleket basshysynyń biryńǵaı zeınetaqy qoryn qurý týraly tapsyrmasyn talqylaýǵa arnaldy. Sonymen birge evrobond naryǵyna qaıta oralǵysy keletin úkimettiń sheshimi jaıyndaǵy aqparat ta qoǵam nazaryn aýdardy deýge bolady. Bul bankterdiń sheteldik kapıtalmen jumys isteýine shekteý qoıý nıetinen týyndaǵan sheshim»,-dep jazady «Aıqyn» basylymy. Sonymen, Eńbek jáne halyqty áleý­mettik qorǵaý mınıstrligi Ulttyq bankpen birlese otyryp, bir aı ishinde biryńǵaı zeı­­netaqy qoryn qurý jónindegi óz usy­nystaryn daıyndaýǵa sóz berip otyr. Grı­gorıı Marchenko osy máselege baı­la­nysty kóptegen jaıttardy jýrnalıster al­dynda ashyq ortaǵa saldy da. Onyń mı­­nýs­tary men plıýstaryn, qordyń ret­teýshisi kim bolýy kerektigin, jeke jı­naq­taýshy zeınetaqy qorlarynyń qandaı jolmen satyp alynýy kerektigin, qordyń qarjysyn ınvestıtsııalaýmen kimder aınalysýy tıis ekendigin - barlyq má­se­lege qatystylar týraly túgin qaldyr­maı qamtı otyryp, óz pikirin ashyq jaıyp sal­­dy. Onyń aıtýynsha, zeınetaqy qor­la­ryn biriktirý mehanızmin úsh aıda ja­saýǵa bolady. Eger úkimettik uıymdar men parlamentten qoldaý kórsetiletin bolsa ǵana. Mehanızm kelisimniń barlyq pro­tsedý­ralarynan ótýi tıis. Marchenko úshin mańyzdysy - osy má­selege arnalatyn zań jobalarynyń Par­lamentten qalaı óte­tindigi bolsa ke­rek. Qajetti zań jedel qa­byldanbaıtyn bol­sa, Biryńǵaı zeı­ne­taqy qoryn qurý pro­tsesi de uzap ketýi áb­­den múmkin eken. Bul maqala «Syrttan qashanǵy qaryz alamyz?» degen taqyryppen berilip otyr.

***

«Kazahstanskaıa pravda» gazetiniń jazýynsha, keshe Qazaqstan Pre­zı­denti Nursultan Na­zar­baev Reseı Fede­ra­tsııa­sy­nyń Prezıdenti Vladımır Pý­tın­men telefon arqyly sóılesti. Áńgimelesý barysynda memleket basshylary eki eldiń 2013-2015 jyldarǵa arnalǵan birlese áreket etý josparlary aıasyndaǵy ózara is-qımyl máselelerin talqylady. Sonymen qatar, túrli qyzmet sa­lalaryndaǵy ekijaqty ynty­maq­tastyqtyń ózekti máseleleri jóninde pikir almasyldy. Áńgimelesýdiń qorytyndysy boıynsha memleket basshylary bıylǵy 8 aqpanda Máskeýde jumys babyndaǵy kezdesý ót­ki­zý týraly ýaǵdalastyqqa qol jetkizdi, onda Birtutas eko­no­mıkalyq keńistik pen Eýrazııalyq ekonomıkalyq odaq aıasyndaǵy birlesken ju­mys­tyń ózekti máseleleri qaralatyn bolady.