Reseıge kóshetin qazaqstandyqtar orys tilin jetik biletinin dáleldeýi tıis

<p>&nbsp;RF Prezıdenti Vladımır Pýtın &laquo;Belarýs, Qazaqstan jáne Moldava azamattaryn Reseı azamattyǵyna qabyldaý týraly&raquo; jarlyqqa qol qoıdy. Bul qujat reseılik pasportty alý protsedýrasyn jeńildetedi, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

18 jeltoqsanda rásimdelgen qujat resmı jarııalanǵan quqyqtyq aktiler portalynda ornalastyryldy. Oǵan sáıkes 18 jasqa tolǵan Qazaqstan azamattary kelesi talaptardy saqtamaı-aq Reseı azamattyǵyn ala alady:

* Reseı Federatsııasynda turaqty turý;

* Reseı tarıhyn jáne Reseı Federatsııasynyń zańnamasynyń negizderin bilý.

Degenmen, qazaqstandyqtar orys tilin jetik biletindigin dáleldeýi tıis. Qazaqstan azamattary reseılik pasportty alý úshin turaqty turýǵa ótinish, ulttyq pasporty men orys tilin biletindigin rastaıtyn qujat usynýy qajet. Dál osydaı talap Moldava azamattaryna da qoıylady. Al Belarýs azamattaryna orys tilin biletindigin rastaýdyń qajeti joq.