Qazaqstandyqtarǵa 8 mln teńgeden joǵary kredıt kepilsiz berilmeýi múmkin

<p>ASTANA. KAZINFORM &ndash; Elimizde tutynýshylyq banktik qaryz jáne tutynýshylyq mıkrokredıt somasyna qoıylatyn talaptarǵa ózgerister engiziledi. Atalǵan qaýlynyń jobasy <a href="https://legalacts.egov.kz/npa/view?id=15139905" target="_blank" rel="noopener">&laquo;Ashyq NQA&raquo;</a> portalynda jarııalandy.&nbsp;</p>

Qarjy naryǵyn retteý jáne damytý agenttigi ekinshi deńgeıli bankterdiń 2 200 AEK mólsherine deıin bere alatyn kepilsiz nesıe somasyn shekteýdi usynyp otyr. 2024 jylǵy AEK (aılyq eseptik kórsetkish) kólemi – 3 692 teńge. Eger jańa qaýly qabyldansa, azamattar kepilsiz 8 mln 122,4 myń teńgeden astam somaǵa nesıe alý múmkindiginen aıyrylady. 

Al, mıkroqarjy uıymdary úshin kepilsiz kredıt berýdiń somasy eki ese tómen, ıaǵnı mıkroqaryz kólemi 4 mln 61,2 myń teńge bolsa kepilsiz bermeýdi josparlap otyr. 

Sondaı-aq Qarjy naryǵyn retteý jáne damytý agenttigi ázirlegen qujatta jobanyń áleýmettik mańyzy joq ekendigi aıtylǵan. Maqsat – nesıe berý tájirıbesin bankter men mıkroqarjy qyzmeti týraly qoldanystaǵy zańdardyń normalaryna sáıkes keltirý. 

Aıta keteıik, jańa normalardyń kepildendirilgen nesıelerge qatysy joq. 

Eske sala keteıik, bıyl 19 maýsymda Memleket basshysy «Qazaqstan Respýblıkasynyń keıbir zańnamalyq aktilerine kredıt berý kezinde táýekelderdi barynsha azaıtý, qaryz alýshylardyń quqyqtaryn qorǵaý, qarjy naryǵyn retteýdi jáne atqarýshylyq is júrgizýdi jetildirý máseleleri boıynsha ózgerister men tolyqtyrýlar engizý týraly» Zańǵa qol qoıdy.