Qazaqstandyqtardyń jeke qujatynyń qaǵaz kóshirmelerin jınaýǵa tyıym salynady

<p>Búgin Májilistiń jalpy otyrysynda &laquo;Qazaqstan Respýblıkasynyń keıbir zańnamalyq aktilerine aqparattyq qaýipsizdik máseleleri boıynsha ózgerister men tolyqtyrýlar engizý týraly&raquo; zań jobasy birinshi oqylymda maquldandy, dep habarlaıdy&nbsp;<a href="https://kaz.inform.kz/" target="_blank" rel="noopener">QazAqparat tilshisi.</a></p>

Zań jobasy aqparatty, onyń ishinde derbes derekterdi qorǵaýdyń quqyqtyq bazasyn qalyptastyrýǵa arnalǵan.

«Qujat úsh bloktan turady. Birinshi blok jeke derekterdi qorǵaýdyń qosymsha sharalaryna arnalǵan. Zań jobasynda derbes derekterdiń aınalymy jáne saqtalýy salasynda memlekettik baqylaý engiziledi. Qujat normasy operatorlarmen profılaktıkalyq jumysty da jolǵa qoıýǵa múmkindik beredi. Sonymen qatar zań jobasyna sáıkes árbir operator retteýshige derbes derekterdiń negizsiz jarııalanyp ketkeni týraly habarlaýy tıis. Aqparattyń jarııalanyp ketýi deregi anyqtalǵan sátten bastap úsh kún ishinde berilýi kerek», –dedi Májilis depýtaty Ekaterına Smyshlıaeva.

Zań jobasynyń ekinshi blogy «aq hakerler» ınstıtýtyn jáne bak-baýntı platformasynyń qazaqstandyq analogy jumysyn quqyqtyq retteýdi usynady. Bul shara aqparattyq júıe zertteýshilerin aqparattyq júıe qatelikteri men osal tustaryn anyqtaýǵa tartýǵa yqpal etedi. Barlyq jumystar zań aıasynda júrgiziledi. Álemde mundaı platformalar aqparattyq qaýipsizdik boıynsha úzdik mamandardy tartady.

«Zań jobasynyń úshinshi blogy memlekettik organdardyń aqparattandyrý obektilerine ǵana qyzmet kórsetetin memlekettik aqparattyq qaýipsizdik ortalyǵyn qurýǵa arnalǵan. Qazir 350-ge jýyq memlekettik aqparattandyrý nysany jumys istep tur. Ortalyq Ulttyq qaýipsizdik komıtetiniń memlekettik tehnıkalyq qyzmeti janynda jumys isteıtin bolady. Budan basqa, memlekettik tehnıkalyq qyzmet bazasynda baǵdarlamalyq qamtamasyz etýdiń bastapqy kodtary repozıtorııi qurylatyn bolady. Onda elektrondyq úkimettiń baǵdarlamalyq ónimderiniń bastapqy kodtary saqtalady. Bul olardyń nusqalaryn basqarýdy qamtamasyz etedi. Osylaısha, usynylyp otyrǵan sharalar kesheni memlekettik organdardyń aqparattyq júıeleriniń qaýipsizdigin kúsheıtedi. Jalpy, elektrondyq úkimettiń turaqtylyǵyn arttyrady», - dedi depýtat.

Májilistiń Ekonomıkalyq reforma jáne óńirlik damý komıtetiniń málimetine qaraǵanda, zań jobasynda 12 zańnamalyq aktige:

- «derbes derekterdiń qaýipsizdigin buzý» uǵymyn aıqyndaý;

- derbes derekterdi qorǵaý salasyndaǵy ýákiletti organǵa Qazaqstan Respýblıkasynyń derbes derekter jáne olardy qorǵaý týraly zańnamasynyń saqtalýyn memlekettik baqylaý fýnktsııasyn berý;

- Qazaqstan Respýblıkasynyń zańdarynda tikeleı kózdelgen jaǵdaılardy qospaǵanda, jeke basyn kýálandyratyn qujattardyń qaǵaz kóshirmelerin jınaýǵa, óńdeýge tyıym salý jóninde ózgerister men tolyqtyrýlar engizý kózdeledi.