Qazaqstandyqtardyń zeınetaqy jınaqtary 20 trln teńgege jetti
Jyl basynan beri ósim 2,1 trln teńgeden (11,8%) asty. Byltyrǵy jyldyń sáıkes kezeńimen salystyrsaq, zeınetaqy jınaqtarynyń kólemi 3,9 trln teńgege jýyq nemese 24,3% ósti.
Otandastarymyzdyń jınaqtarynyń 96% mindetti zeınetaqy jınaǵy esebinen qalyptastyryldy, onyń kólemi shamamen 19,3 trln teńge boldy (bir jyldaǵy ósim – 23,7%, jyl basynan beri-11,3%).
MKZJ boıynsha zeınetaqy jınaqtarynyń somasy - 619,9 mlrd teńge (bir jyldaǵy ósim – 22,9%, jyl basynan beri - 9%).
Eń úlken ósimdi (jylyna 48,4%, jyl basynan beri 22,5%) erikti zeınetaqy jarnalary (EZJ) boıynsha jınaqtar kórsetti, onyń kólemi - 6,5 mlrd teńge.
Zeınetaqy jınaqtarynyń mańyzdy quramdaýyshy - zeınetaqy jarnalary, olardyń kólemi 2024 jyldyń 6 aıynda 1,3 trln teńgeden asqan, bul ótken jylǵy kórsetkishten 28,4% nemese 290,8 mlrd teńgege artyq. Atap keteıik, ósim ótken jyldyń sáıkes kezeńimen salystyrǵanda mindetti zeınetaqy jarnalary (MZJ) – 18,7%, mindetti kásiptik zeınetaqy jarnalary (MKZJ) – 20,3%, erikti zeınetaqy jarnalary (EZJ) – 30,4% kórsetti.
2024 jylǵy 1 qańtardan bastap salymshylardyń (alýshylardyń) zeınetaqy shottaryna qosymsha qarajat – jumys berýshiniń mindetti zeınetaqy jarnalary (JMZJ) túsýde. 2024 jyldyń 6 aıynda JMZJ esebinen zeınetaqy jınaqtarynyń somasy shamamen 98,9 mlrd teńge boldy.
Jınaqtardyń taǵy bir mańyzdy bóligi - ınvestıtsııalyq kiris. 2024 jyldyń birinshi jartyjyldyǵynda BJZQ salymshylarynyń jeke jáne shartty zeınetaqy shottaryna eseptelgen taza ınvestıtsııalyq kiris shamamen 1,21 trln teńgege jetti.
Aǵymdaǵy jyldyń 6 aıynda BJZQ-dan tólemder túrindegi shyǵys aǵyndary 457,6 mlrd teńgeden asty. Bul rette osy somanyń negizgi bóligin turǵyn úı jaǵdaılaryn jaqsartýǵa jáne emdelýge arnalǵan birjolǵy zeınetaqy tólemderi (BZT) quraıdy – ol shamamen 190,4 mlrd teńge, bul ótken jylǵy kórsetkishten 2,4 ese joǵary.
Zeınet jasyna tolýyna baılanysty tólemder shamamen 97,3 mlrd teńge boldy.
Sondaı-aq, muragerlik boıynsha tólemder – 28,6 mlrd teńge, QR sheginen tys turaqty turýǵa ketýge baılanysty tólemder – 17,9 mlrd teńge, múgedektigi bar adamdarǵa tólemder – 1,5 mlrd teńge, jerleýge tólemder - 4,9 mlrd teńge mólsherinde júzege asyryldy. Saqtandyrý uıymdaryna 117 mlrd teńgeden astam soma aýdaryldy.
BJZQ-dan keste boıynsha ortasha aılyq tólem somasy (zeınet jasyna tolýyna baılanysty) 33 883 teńge bolsa, aı saıynǵy tólemniń eń joǵary somasy 945 752 teńgege teń. Esterińizge sala keteıik, ótken jyldyń osy kezeńinde BJZQ-dan keste boıynsha aı saıynǵy tólemniń ortasha somasy 32 111 teńge, al aı saıynǵy tólemniń eń joǵary somasy 742 692 teńge boldy.
2024 jylǵy 1 shildedegi jaǵdaı boıynsha BJZQ-daǵy salymshylardyń jeke zeınetaqy shottarynyń (JZSh) sany - 12,4 mln birlik, onyń ishinde: 11,1 mln - MZJ boıynsha, 688,6 myń - MKZJ boıynsha, 421,3 myń - EZJ boıynsha.
2024 jylǵy 1 shildedegi jaǵdaı boıynsha BJZQ-daǵy shartty zeınetaqy shottarynyń (ShZSh) sany 3,9 mln birlikke jetti. Onda Qazaqstan Respýblıkasynyń zańnamasyna sáıkes kelip túsken JMZJ jáne ózge de túsimder týraly málimetter eskeriledi.
Zeınetaqy aktıvterine qatysty barlyq ózekti aqparat, sonyń ishinde respýblıka óńirleri boıynsha málimetter enpf.kz saıtyndaǵy «Kórsetkishter» bóliminde ornalastyrylǵan.