Qazaqstandyqtar Ulybrıtanııanyń keıbir qalalaryna barmaǵany jón – elshilik

<p>ASTANA. KAZINFORM - QR Ulybrıtanııa jáne Soltústik Irlandııa Birikken Koroldigindegi Elshiligi Ulybrıtanııanyń birqatar aımaqtaryna barý boıynsha usynystar berdi.</p>

-Eldiń birqatar óńirindegi jaǵdaıdyń shıelenisýine baılanysty Qazaqstan azamattaryna Roterhem, Bolton, Blekpýl, Hall, Brıstol, Stok-on-Trent, Belfast, sondaı-aq Manchester jáne Lıverpýl qalalarynyń mańyndaǵy qalalarǵa osy óńirlerdegi jaǵdaı turaqtanǵanǵa deıin ýaqytsha barýdan bas tartý usynylady. Qazirgi ýaqytta atalǵan eldi mekenderde júrgen Qazaqstan azamattarynan qaýipsizdik sharalaryn saqtaýdy, qyraǵylyq pen saqtyq tanytýdy, adamdar kóp jınalatyn oryndarǵa barýdan bas tartýdy, sońǵy jańalyqtardy qadaǵalaýdy, sondaı - aq Ulybrıtanııadaǵy Qazaqstan elshiligimen baılanysta bolýdy suraımyz, - delingen elshiliktiń Instagram paraqshasynda jarııalanǵan habarlamada.

Qosymsha jáne jedel aqparat alý úshin Ulybrıtanııa aýmaǵyndaǵy QR azamattary men olardyń Qazaqstandaǵy týystary úshin shuǵyl baılanys jelileri bar.

QR Ulybrıtanııadaǵy Elshiliginiń baılanystary

[phone] (mobıldi baılanys)

El.poshta: [e-mail]