Qazaqstandyqtardan saýsaq izin alý tártibi qalaı ózgerdi – Úkimet qaýlysy

<p>&laquo;Ashyq NQA&raquo; portalynda &laquo;Daktıloskopııalyq jáne genomdyq tirkeýdi júrgizý qaǵıdalaryn bekitý týraly&raquo; Úkimet qaýlysyna engiziletin ózgerister jobasy jarııanlandy, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Qujat 19 qańtarǵa deıin qoǵam talqylaýynda bolady. Qaýly jobasynda Qazaqstan azamattary jeke kýálik pen pasportty birinshi ret alý úshin, sondaı-aq ony qalpyna keltirip, aýystyrý úshin ótinishpen kelgende Іshki ister mınıstrliginiń organdary erikti túrde, ıaǵnı ótinish berýshiniń kelisimimen ǵana saýsaq izin alatyny aıtylǵan.

Al Qazaqstan Respýblıkasynda ýaqytsha turýǵa ruqsat berý kezinde sheteldikter men azamattyǵy joq adamdardan saýsaq izi mindetti túrde alynady.

Qazaqstan aýmaǵynda turaqty turýǵa ruqsatty resimdeý kezinde sheteldikter men azamattyǵy joq adamdardyń daktıloskopııalyq aqparaty mynadaı málimetterdi qamtıdy:

1) aty, ákesiniń aty (eger ol jeke basty kýálandyratyn qujatta kórsetilse), tegi;

2) týǵan kúni;

3) jynysy;

4) qoldarynyń on saýsaǵynyń papıllıarlyq bederi qurylymynyń erekshelikteri týraly aqparat;

5) azamattyǵy;

6) fotosýreti;

7) jeke basyn kýálandyratyn qujattyń nómiri, berilgen kúni, qoldanylý merzimi;

8) daktıloskopııalyq tirkeý júrgizilgen kún men negizi;

9) daktıloskopııalyq tirkeýdi júzege asyrǵan adamnyń aty, ákesiniń aty (eger ol jeke basty kýálandyratyn qujatta kórsetilse), tegi;

10) vıza, ýaqytsha turýǵa ruqsat berilgen kúni, qoldanylý merzimi;

11) turaqty turý josparlanyp otyrǵan jerdiń mekenjaıy;

12) turaqty turýǵa ótinishti qaraǵan organnyń ataýy qosymsha engiziledi.

Kóshi qon vedomstvosynyń qyzmetkeri Qazaqstan azamatyn qujattaý rásimin bastamas buryn odan daktıloskopııalyq tirkeýden ótýge nıeti bar-joǵyn suraıdy.

«Eger ol daktıloskopııalyq tirkeýden ótýge nıet bildirse, kóshi-qon qyzmetiniń qyzmetkeri ótinim qalyptastyrady. Qazaqstan Respýblıkasynyń azamaty daktıloskopııalyq tirkeýden ótýden bas tartqan kezde kóshi-qon qyzmetiniń qyzmetkeri qujattaýdy jalǵastyrady. Qazaqstan Respýblıkasynyń azamaty buryn daktıloskopııalyq tirkeýden ótken bolsa, qyzmetker «JBS» AAJ arqyly tekserý júrgizedi», - delingen qaýly jobasynda.

Usynylyp otyrǵan ózgeriste daktıloskopııalaýǵa múmkindik bermeıtin dene kemistikteriniń qatary da naqtylanǵan.

Olar:

1) eki qolyńyzda barlyq saýsaqtardyń nemese qoldyń bolmaýy;

2) daktıloskopııalyq tirkeýden ótýden bosatý úshin negiz bolyp tabylatyn bar syrqaty týraly dárigerlik-konsýltatsııalyq komıssııa qorytyndysynyń bolýy.

Buǵan deıin Májilis saýsaq izin tapsyrý mindeti týraly bastamany zańnan alyp tastaǵanyn jazǵan edik.