Qazaqstandyqtar jumysqa QR-kod arqyly ornalasa alady

<p>Elimizde jumysqa anyqtamasyz ornalasý múmkindigi jasalady. Bul týraly Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın aıtty, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform.</a></p>

«Aldaǵy ýaqytta biz nege nazar aýdaratyn bolamyz? Taıaý ýaqyttyń ishinde jumysqa anyqtamasyz (qaǵaz júzindegi – red.) ornalasý múmkindigin jasaıtyn bolamyz. Jumysqa ornalasqan árbir adam tipti, elektrondy nusqadaǵysyn basyp shyǵaryp, kadr bólimine aparý qajettigin biledi. Biz búgin Prezıdentke tanystyrǵandaı, QR-men ǵana jumysqa ornalasyp, eńbek kelisimshartyna qol qoıatyndaı jasaımyz», – dedi mınıstr elordada ótip jatqan Digital Bridge 2023 halyqaralyq tehnologııa forýmynda.

Eske salaıyq, búgin Astanada IT ındýstrııasynyń sońǵy úrdisteri men damý perspektıvalaryn talqylaýǵa arnalǵan Ortalyq Azııadaǵy eń iri alań Digital Bridge 2023 forýmy bastaldy. Sharanyń ashylý rásimine Memleket basshysy Qasym-Jomart Toqaev qatysyp, sóz sóıledi.  Sondaı-aq Prezıdent forým aıasynda ótken kórmege bardy. 

Bıyl Digital Bridge halyqaralyq forýmyna 20 myńnan astam adam jınaldy. Onyń ishinde 300-den astam IT kompanııanyń ókilderi jáne 30 elden kelgen delegatsııa bar.