Qazaqstandyqtar Seıshel araldaryna vızasyz bara alady

<p>Qazaqstan men Seıshel araldary vızasyz rejım týraly kelisimge qol qoıdy, dep habarlaıdy <a href="https://kaz.inform.kz/" target="_blank" rel="noopener">QazAqparat </a>SІM-ne silteme jasap.</p>

Nıý-Iorktegi BUU Bas Assambleıasynyń 78-shi sessııasynyń aıasynda Qazaqstan Syrtqy ister mınıstri Murat Nurtileý jáne Seıshel araldarynyń Syrtqy ister jáne týrızm mınıstri Sılvestr Radegond ekijaqty qatynastardy damytý jáne kópjaqty formattaǵy ózara is-qımyldar boıynsha kelissózder júrgizdi.

M.Nurtileý Qazaqstannyń Afrıka elderimen yntymaqtastyǵynyń ósip kele jatqan mańyzdylyǵyn atap ótti. Ol ekijaqty negizde jáne kópjaqty birlestikter sheńberinde ózara qyzyǵýshylyq týdyratyn salalarda qazaq-seıshel yntymaqtastyǵyn damytýǵa birlesken kúsh-jiger jumsaýǵa daıyn ekenin rastady.

"Kelissózder qorytyndysy boıynsha mınıstrler Qazaqstan Respýblıkasynyń Úkimeti men Seıshel Respýblıkasynyń Úkimeti arasyndaǵy vızalyq talaptardan ózara bosatý týraly kelisimge qol qoıdy. Ol árbir jarty jylda 30 kúntizbelik kúnge deıin kirý kezinde pasporttardyń barlyq túrleri úshin vızalyq talaptardyń kúshin joıýdy kózdeıdi", - delingen aqparatta.

Atalǵan Kelisim kúshine enýi úshin qajetti memleketishilik rásimderdiń aıaqtalǵany týraly taraptardyń sońǵy jazbasha habarlamasyn dıplomatııalyq arnalar arqyly alǵan kúninen keıin 30 kún ótken soń kúshine enedi.