Qazaqstandyqtar kúnine qansha tuz tutynady

<p>Elimizdegi qoǵamdyq densaýlyq saqtaý ulttyq ortalyǵynyń zertteýi boıynsha Qazaqstandyqtar kúnine 18 gramm tuz tutynady eken. Dúnıejúzilik densaýlyq saqtaý uıymy kúnine 5 gr tuz tutynýdy usynady. Ol shamamen 16 shymshysh nemese bir shaı qasyqty quraıdy, dep habarlaıdy <a href="https://kaz.inform.kz/?_gl=1*1cookbu*_ga*MTMxOTQ2NjU5MC4xNjk4Mzc1OTcw*_ga_Y44SMVECD5*MTY5ODM3NTk2OS4xLjAuMTY5ODM3NTk2OS42MC4wLjA.&amp;pk_vid=1dac2fba2c02ff6916983759715aaacc" target="_blank" rel="noopener">Kazinform</a>.</p>

Negizinen tuzdyń paıdasy kóp. Ol adam boıyndaǵy suıyqtyq tepe-teńdigin qamtamasyz etedi, bulshyq ettiń jıyrylýynda mańyzdy ról atqarady. Biraq ony shamadan tys tutyný aǵzadaǵy suıyqtyqtyń shyǵýyn qıyndatyp, isiný paıda bolady. Sondaı-aq tuzdy kóp mólsherde tutyný qan qysymyn kóteredi. Al sozylmaly aýrýlary bar naýqastar ınsýlt alýy múmkin jáne baýyr, búırek, júrek aýrýlaryna ákelip soǵady.

Tuz mólsherin azaıtýdyń ádisteri bar. Mysaly: tamaqty qatty qýyrmańyz, sol kezde azyq-túliktegi tuzdyń dámi jaqsy saqtalady. Tuzdy ólsheýish qasyqpen salyńyz. Sol kezde ony qandaı mólsherde qoldanyp jatqanyńyzdy bilip otyrasyz, qajet bolsa azaıtasyz. Negizinen tuzǵa shekteý qoıǵannan keıin, 1 aıdan soń dám sezý retseptorlary qalpyna kelip, tuzǵa degen qajettilik óz-ózinen azaıady. Al tuzdy satyp alarda onyń quramyna ıod bolýy mańyzdy. Tuzdy qarańǵy jáne jabyq ydysta saqtasańyz kuramyndaǵy ıod jaqsy saqtalady. Tamaq daıyndaǵan kezde tuzdy as pisken kezde qosý kerek.

Tuzdyń zııany men paıdasy, tuzdy tutynýdy azaıtý tásilderi týraly «Jibek joly» arnasynda «Bizdiń dáriger» jobasynyń 22 jeltoqsandaǵy sanynan kórińiz.