Qazaqstandyqtar kınoǵa jıi bara bastady

<p>ASTANA. KAZINFORM&nbsp;&mdash; Qazaqstanda 3 924 qoǵamdyq kitaphana, 3 069 mádenı-demalys uıymy, 275 murajaı, 230 oıyn-saýyq jáne demalys saıabaǵy, 113 kınoteatr, 74 teatr, 43 kontsert uıymy, 11 haıýanattar baǵy jáne 3 tsırk jumys istep tur.&nbsp;</p>

2022 jylmen salystyrǵanda kelýshilerdiń eń úlken ósimi myna salalarda tirkelgen:

• kontsert — 23,3%
• kınoseans — 23,2%
• tsırk — 11,9%
• teatr — 10,2%
• haıýanattar baǵy — 3,9%.

Mádenıet oshaqtarynda ótken sharalarǵa kelsek, 2023 jyly kontsert uıymdary ótkizgen is-sharalar sany — 8,8%, murajaıdaǵy ekskýrsııa sany — 7,4% jáne teatrlar ótkizgen is-sharalar sany — 7,4%, demalys jáne oıyn-saýyq saıabaqtary ótkizgen is-sharalar sany — 5,1%, mádenı-demalys uıymdary ótkizgen is-sharalar sany — 4,8% ulǵaıǵan.

Mádenı-buqaralyq sharalar sany boıynsha teatrlar 16,5 myń, oıyn-saýyq jáne demalys saıabaqtary 7,1 myń jáne kontsert uıymdary 6,4 myń shara ótkizgen.

Osylaısha 2023 jyly mádenı-buqaralyq sharalar sany 2019 jyldan keıin alǵash ret pandemııaǵa deıingi deńgeıge oraldy.

Kınoǵa barýshylar sany respýblıkalyq mańyzy bar qalalarda eń kóp: Almaty — 7 111,6 myń, Astana — 4346,7 myń, Shymkent — 1721,4 myń.

Murajaıǵa barýshylardyń eń kóbi — Túrkistan oblysy (1285,8 myń adam) men Astana qalasynda (890,4 myń adam).