Qazaqstandyqtar Kanvon Olımpıadasynda kerlıngten alǵashqy jarysyn ótkizdi

<p>KANVON. KAZINFORM &ndash; Ońtústik Koreıanyń Kanvon qalasynda ótip jatqan IV qysqy jasóspirimder Olımpıadasynda keshki sessııada elimizdiń kerlıng sheberleri alǵashqy oıynyn ótkizdi.</p>

Atalǵan dodada Qazaqstan namysyn qorǵaǵan Mereı Tastemir men Ibragım Tastemir juby Aýstrııa quramasyndaǵy Emma Mıýller men Lýıs Haınhıchke 4-5 esebimen jeńilip qaldy.

Endi erteń, 28 qańtarda Mereı men Ibragım Germanııadan kelgen qurdastarymen kúsh synasady.

Oıyn Astana ýaqytymen saǵat 11:00–de bastalady.

Foto: Salı Sabırov

Osylaısha búgin Ońtústik Koreıanyń Kannyn qalasynda ótip jatqan qysqy sport túrlerinen IV qysqy jasóspirimder Olımpıadasynyń 8-jarys kúni aıaqtaldy.

Aıta keteıik, osyǵan deıin frıstaıl-mogýl básekesinde qos atletimiz úzdik ondyqqa kirgen bolatyn.

Esterińizge sala ketsek, Ońtústik Koreıadaǵy jasóspirimder Olımpıadasynda Qazaqstan namysyn sporttyń 5 túrinen 10 dıstsıplına boıynsha 41 sportshy qorǵap jatyr.

Foto: Salı Sabırov

Bıatlon, kerlıng, konkımen syrǵanaý, short-trek, shaıbaly hokkeı, shańǵy jarysy, shańǵymen tuǵyrdan sekirý, shańǵy qossaıysy, taý shańǵysy, frıstaıldan paralleldi mogýl boıynsha baq synaýda.

Kanvonda qysqy jasóspirimder Olımpıadasynyń alaýy 19 qańtar kúni tutanǵan bolatyn.

Jarys 1 aqpanda máresine jetedi.

Foto: Salı Sabırov

Atalǵan jarysqa álemniń 80-ge jýyq elinen 1 800-deı sportshy qatysyp jatyr. 

7 sport túrinen (15 dıstsıplına) 81 medal jıyntyǵy sarapqa salynýda.