Qazaqstandyqtar bala tárbıesinde qandaı qundylyqtarǵa mán beredi – saýalnama

<p>ASTANA. KAZINFORM &ndash; QR Prezıdentiniń janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń tóraǵasy Aıda Balaeva bala tárbıesinde erekshe kóńil bólinetin otbasylyq qundylyqtardy atady.</p>

«Ulttyq komıssııa balalar men jastardy rýhanı-adamgershilik qundylyqtaryna tárbıeleý máseleleri boıynsha vedomstvoaralyq baılanysty qamtamasyz etedi. Saýalnamaǵa súıensek, qazaqstandyq otbasyndaǵy bala tárbıeleýdegi basty qundylyqtar ol – eńbeksúıgishtik (33,8%), ózin-ózi qurmetteý (31,8%), adaldyq (31,7%), úlkender (25,3%) jáne aınalasyndaǵylarǵa qurmet (16,6%)», - dedi Aıda Balaeva Senatta ótken Úkimet saǵatynda.

Onyń aıtýynsha, otbasy qundylyqtaryn nyǵaıtýda aqparattyq saıasattyń mańyzy zor.

«Otbasylyq qundylyqtar týraly BAQ jáne ınternet-resýrstarda baspa, aýdıo, beıne, tsıfrlyq materıaldar turaqty jarııalanyp turady. Mınıstrlik ázirlegen baǵdarlamada qoǵamnyń eń ózekti máseleleri onyń ishinde otbasy qundylyqtary, kóne jáne jańa dástúrler, turmystyq zorlyq-zombylyq, bala tárbıesi, otbasy jáne demografııa sekildi taqyryptar qamtylǵan», - deıdi ol.

Aıda Balaeva keltirgen málimetterge sáıkes, osy kúnge deıin BAQ-ta 4106 materıal jarııalandy. Onyń ishinde 504-i respýblıkalyq, 1527-i oblystyq sol sııaqty ınternet resýrstarda 2 075 aqparat. Odan bólek, áleýmettik jelilerde 3 671 jazba shyqty.