Qazaqstandyqtar azyq-túlikke qansha qarajat jumsap jatyr

<p>ASTANA. KAZINFORM &ndash;&nbsp; Qazir elimizde tabystyń 22,2 paıyzyn azyq-túlikke jumsap jatyrmyz.&nbsp; Bul týraly Premer-mınıstriniń orynbasary Serik Jumanǵarın málim etti.</p>

Búgin Senatta ótken azyq-túlik qaýipsizdigi taqyrybyndaǵy parlamenttik tyńdaýdan keıin tilshiler qazaqstandyqtar jalaqysynyń neshe paıyzyn azyq-túlikke jumsaıtynyn surady.

- Bul másele óte mańyzdy. Keıbireýleri osy shyǵyndarǵa qatysty shatastyryp jatady, ıaǵnı «tapqan tabystyń jartysy azyq-túlikke jumsalyp jatyr» dep aıtady. Ol - durys emes. Jalpy, tutyný (azyq-túlik jáne azyq-túlik emes taýarlary, aqyly qyzmetter) shyǵyndarynyń ishinde 50 paıyzy azyq-túlikke jumsalatynyn bilemiz jáne ony moıyndaımyz. Al tutyný shyǵyndary - tapqan tabysymyzdyń 50 paıyzy. Sebebi tabysymyzdy tutyný shyǵyndarynan bólek, nesıeni jabýǵa nemese bala-shaǵaǵa kerek zattardy alýǵa, qaryzdy jabýǵa, oqý aqysyna tóleımiz. Osynyń bárin eskere otyryp, qazir búkil tabysymyzdyń 22,2 paıyzyn azyq-túlikke jumsap jatyrmyz dep aıtýǵa bolady, - dedi S.Jumanǵarın.

Atap aıtqanda, tutyný shyǵyndary – tutyný taýarlary men qyzmetterin satyp alýǵa baǵyttalǵan aqshalaı shyǵystarynyń bóligi. Tutyný shyǵyndaryna azyq-túlik taýarlaryn, azyq-túlik emes taýarlardy satyp alýǵa jáne aqyly qyzmetterdi alýǵa arnalǵan shyǵystar jatady.