Qazaqstandyqtar Astana men Almaty jáne Shymkent arasynda poıyzben kóp júredi

<p>2023 jyly 13,5&nbsp;mln astam jolaýshy &laquo;Jolaýshylar tasymaly&raquo; AQ poıyzdarymen tasymaldandy. Qazaqstandyqtar úshin eń suranysqa ıe&nbsp;baǵyttar&nbsp;&mdash; Astana-Almaty, Astana-Shymkent, Almaty-Shymkent, Astana-Semeı, Almaty-Semeı, onda bıletterge suranys joǵary boldy, dep habarlaıdy <a href="https://www.inform.kz/" target="_blank" rel="noopener">Kazinform</a>.</p>

TJ bıletterine joǵary suranys jazǵy jáne qysqy kezeńderde (demalys maýsymy, kanıkýl) jáne mereke kúnderi bolady.

Mysaly, «Jolaýshylar tasymaly» AQ 2023 jyldyń jazda 4 mln astam jolaýshyny tasymaldady.

Sondaı-aq, jolaýshylar suranysyna ıe qyzmetterdiń biri — «Kútý paraǵy».

Bul qyzmetti bilet.railways.kz saıtynda jáne «Jolaýshylar tasymaly» AQ bılet kassalarynda paıdalanýǵa bolady.

«Kútý paraǵy» kómegimen bosatylǵan bıletterge kezekke tura alasyz. 2023 jyly bul qyzmet 485 myń jolaýshyǵa usynyldy, onyń ishinde 168 myń bılet satyp alyndy.

Jolaýshy vagondary parkin jańartý jáne jolaýshylardyń yńǵaıly júrýi maqsatynda jyl saıyn jańa jolaýshylar vagondaryn satyp alý jumysy júrip jatyr. 

Búgingi kúni ulttyq tasymaldaýshynyń jolaýshy vagondarynyń parki — shamamen 2151, onyń ishinde standartty vagondar — 1311, Talgo vagondary — 732, elektrdızel poıyzdarynyń vagondary — 108.

Parktiń ortasha tozýy — 44%.

Parkti jańartý jumystary jalǵasyp jatyr.

2022 jyly Stadler tehnologııasy boıynsha 537 joǵary tehnologııalyq jolaýshy vagondaryn satyp alýǵa shart jasaldy, olardy 2025-2030 jyldar aralyǵynda jetkizý josparlanyp otyr.

Sondaı-aq, ótken jyly ZIKSTO zaýytynyń 150 jolaýshylar vagonyn satyp alýǵa shart jasaldy.

2023 jyly zaýyt 94 jańa jolaýshylar vagonyn jetkizdi.

Olar «Mańǵystaý-Atyraý», «Aqtóbe— Atyraý» jáne «Pavlodar-Túrkistan» baǵyttary boıynsha sátti júrip jatyr.