Qazaqstandyqtar álemniń 85 elinde ETsQ ala alady, 75 elde e-ótinish jumys isteıdi

<p>Qazaqstandyqtardyń shet elderde pasport rásimdeý merzimi 90 kúnnen 30 jumys kúnine deıin qysqarady. Bul týraly QR Syrtqy ister mınıstrliginiń resmı ókili Aıbek Smadııarov jyldyń qorytyndy brıfınginde baıandady, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Onyń aıtýynsha, shetelde azamattyq hal aktilerin tirkeý, elektrondy vızanyń jekelegen sanattaryn berý, konsýldyq esepke qoıý jáne alý, QR azamattarynyń ETsQ alý salasyndaǵy qyzmetter boıynsha elektrondy ótinish berý avtomattandyryldy.

«QR Іshki ister mınıstrligimen birlesip, 32 shet eldegi QR mekemelerinde azamattarymyzǵa elektrondyq qujattama engizý pılottyq jobasy sátti iske asýda. Bul shet elderde pasporttardy rásimdeý merzimin 90 kúnnen 30 jumys kúnine deıin qysqartýǵa múmkindik berdi. Bolashaqta osy pılottyq jobanyń geografııasyn keńeıtý josparlanýda. Qazir bul memlekettik qyzmet Belgııa, BAÁ, Reseı, AQSh, Túrkııa, Ózbekstan, GFR, Ońtústik Koreıa jáne Japonııa aýmaǵyndaǵy QR azamattary úshin qoljetimdi», — dedi Aıbek Smadııarov.

Sonymen birge elektrondy úkimet portalynyń búkil qyzmetteri qoljetimdi bolýy úshin 85 eldegi mekemelerde QR azamattaryna ETsQ beriledi.

Konsýldyqqa barýdy yńǵaıly josparlaý jáne uzaq kezek kútpes úshin «Ulttyq aqparattyq tehnologııalar» AQ-men birlesip, onlaın-brondaý servısi ázirlendi.

Bul servıs Qazaqstannyń shet elderdegi 88 mekemesinde jumys isteıdi.

«Azamattardyń ótinishin „e-ótinish“ portaly arqyly shet elderdegi mekemelerde tikeleı qaraýǵa múmkindik berildi, bul ótinish berýshilerge jaýap daıyndaý ýaqytyn qysqartady. Búginde 75 eldegi mekemelerde „e-ótinish“ qosylǵan», — deıdi QR SІM ókili.

Buǵan deıin Aıbek Smadııarov Túrkııadaǵy tabıǵı apattar men Taıaý Shyǵystaǵy áskerı-saıası qaqtyǵystyń shıelenisýinen 400-den astam qazaqstandyq otbasy múshelerimen evakýatsııalanǵanyn aıtqan edi.

Sondaı-aq, Qazaqstan vızasyz elder tizimin 82 elge deıin keńeıtti.