Qazaqstandyqtar Ákeler kúnin atap ótýde
Mereke aıasynda búkil el boıynsha 600-den astam is-shara josparlanǵan.
«Forýmdar, «Áke – meniń qorǵanym», «Meniń ákem – maqtanyshym» sýretter konkýrsy, sporttyq jarystar uıymdastyrylady. Sonymen qatar áleýmettik jelilerde «Meniń ákem – eń jaqsy adam» aktsııasy bastalady»,-delingen QR Mádenıet jáne aqparat mınıstrligi taratqan málimette.
Aıta keteıik, QR Úkimetiniń basshysy 2023 jylǵy 1 maýsymda qol qoıǵan jarlyqqa sáıkes Qazaqstanda Ákeler kúni maýsym aıynyń úshinshi jeksenbisinde atalyp ótedi. Otbasy qundylyqtaryn dáripteý, otbasy jáne tárbıe ınstıtýtyn nyǵaıtý maqsatynda álemniń kóptegen elderinde atalyp ótetin «Analar kúni» jáne «Ákeler kúni» resmı merekeleri bizdiń elimizde de bekitilgen (Analar kúni – mamyrdyń ekinshi jeksenbisi, Ákeler kúni – maýsymnyń úshinshi jeksenbisi).