PARIJ. KAZINFORM – Qazaqstandyq para júzý sheberi Nurdáýlet Jumaǵalı Parıjde ótip jatqan Paralımpıada oıyndarynda júldegerler qatarynan kórindi.
Qazaqstandyq sportshy 100 metrge brass ádisimen (SB13 sanaty) júzýde 1:04:83 nátıjemen máre syzyǵyn ekinshi bolyp qıdy.
Júzýdiń bul túrinen atalmysh qashyqtyqta Nurdáýlet álem jáne paralımpıada rekordshysy, germanııalyq sportshy Talıso Engeldi (1:01.90) ǵana alǵa jiberdi.
Qola júlde ázerbaıjandyq Velı Israfılovqa (1:05.35) buıyrdy.
Jarys barysynda N.Jumaǵalı Azııa rekordyn jańartty. Buǵan deıin Nurdáýlet Tokıo Paralımpıadasynda qola júlde alǵan edi.
Osylaısha, Parıj Paralımpıada oıyndarynda Qazaqstan qorjynyna besinshi medal tústi.
Eske sala keteıik, budan buryn Aqmaral Naýatbektiń jazǵy Paralımpıada oıyndarynyń jeńimpazy atanǵanyn jazǵan bolatynbyz.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).