Qazaqstandyq jýrnalıster tennısten álem chempıonatynda altyn men kúmis aldy

<p>Horvatııada Velı-Loshın aralynda tennısten BAQ qyzmetkerleri arasynda álem chempıonaty máresine jetti, dep habarlaıdy <a href="https://kaz.inform.kz/" target="_blank" rel="noopener">QazAqparat </a>tilshisi.</p>

Qazaqstan tennıs federatsııasynan málim etkenindeı, dúnıejúzilik jýrnalıster dodasy osymen 45 ret uıymdastyryldy.

Álem chempıonatynda el namysyn Qýandyq Shynasylov (Zakon.kz) pen Talǵat Qalıaqparov ("Habar") qorǵady.

Jarys ataqty horvatııalyq tennısshi Ivan Lıýbıchıch akademııasynyń topyraq tósenishindegi korttarynda ótti.

Týrnırge 11 elden 70-ten astam oıynshy qatysyp, olar jas erekshelikterine qaraı baq synady.
Qazaqstandyqtar bir altyn, eki kúmis medalǵa ıe boldy.

Jekeleı synda +55 (fıýchers) sanatynda Talǵat Qalıaqparov jeńimpaz atandy. Ol sondaı-aq Qýandyq Shynasylovpen birge juptyq synda +105 (ekeýin qosqanda) jas sanatynda fınalǵa deıin jetti. T.Qalıaqparov slovakııalyq Olga Kmetovamen birge mıkste taǵy bir kúmiske qol jetkizdi.

Eske sala keteıik, budan buryn Dıas Dosqaraevtyń tennısshi týrnırde qatysý arqyly ǵana shyńdalatyny jóninde aıtqanyn jazǵan bolatynbyz.