Qazaqstandyq jeńil atlet Olımpıadany 17-orynmen aıaqtady
01:16, 10 Tamyz 2024
<p>PARIJ. KAZINFORM — Frantsııa astanasy Parıj qalasynda ótip jatqan Olımpıada oıyndarynda qazaqstandyq jeńil atlet Deızı Djepkemeı 10 shaqyrymǵa júgirý fınalynda synǵa túsip, 17-orynǵa ıe boldy.</p>
Ol atalǵan qashyqtyqty 31 mınýt 26.6 sekýndta júgirip ótti.
Aıta keteıik, Deızıdiń osy qashyqtyqtaǵy eń jaqsy nátıjesi — 30:52.43 sekýnd.
Bul synda 5 myń metrge júgirýde top chempıon Beatrıs Chebet (Kenııa) taǵy da altynnan alqa taqty.
Al kúmis júldeni Eýropa chempıony Nadıa Battoklettı (Italııa) enshiledi.
Úzdik úshtikti Tokıo Olımpıadasynyń 2 dúrkin chempıony Sıfan Hassan (Nıderland) túıindedi.
Atalǵan jarysqa 25 atlet qatysty. Onyń úsheýi márege jete alǵan joq.
Esterińizge sala ketsek, osyǵan deıin medaldan basty úmitkerlerdiń biri qazaqtyń «qara marjany» atanyp ketken jeńil atlet Nora Djerýto halyqtyń úmitin aqtaı almaǵanyn jazǵan edik.