Qazaqstandyq jas tennısshiler Túrkııadaǵy týrnırde jeńimpaz atandy

<p>Túrkııanyń Ystanbul qalasynda 14 jasqa deıingiler arasynda úshinshi sanattaǵy Tennis Europe týrnıri máresine jetti, dep habarlaıdy Kazinform.</p>

Qazaqstan tennıs federatsııasynan málim etkenindeı, atalmysh jarysta qazaqstandyq jas tennısshiler tabysty óner kórsetti.

Jekeleı synda Robert Kamınskıı fınalǵa deıin jetip, bas júlde úshin básekede reseılik Nıkıta Berdınge jol berdi – 1:6, 2:6.

Juptyq synda fınalda qazaqstandyqtar Aleksandr Sofrygın – Egor Sorokın jáne Ańsar Nıetqalıev – Jantóre Sanjaruly ózara kezdesti. Úsh saǵatqa sozylǵan tartysty matchta Aleksandr men Egor jeńiske jetip, chempıon atandy – 1:6, 6:3, 10:8.

Qyzdar arasynda qazaqstandyq Rýslana Rýslanova reseılik Vıktorııa Hasttsaevamen birge sońǵy básekede reseılikterTatıana Golovına – Marııa Maslıakovaǵa ese jiberdi – 6:2, 5:7, 6:10.
Eske sala keteıik, budan buryn qazaqstandyq tennısshiniń Mysyrdaǵy týrnırdiń fınalynda jeńilip qalǵanyn jazǵan bolatynbyz.