Qazaqstandyq jas tennısshiler Taılandtaǵy týrnırdiń chempıony atandy

<p>Nonthabýrıde (Taıland) 18 jasqa deıingiler arasynda ekinshi sanattaǵy ITF Juniors J300 THAILAND ITF JUNIORS CHAMPIONSHIP B1 týrnıri máresine jetti, dep habarlaıdy Kazinform.</p>

Qazaqstan tennıs federatsııasynan málim etkenindeı, atalmysh jarysta qazaqstandyqtar jeńimpaz atandy.

Ámir Omarhanov (99 ITF Juniors) fınalda sıngapýrlyq Bıll Chanomdy (235 ITF Juniors) 4:6, 6:1, 6:1 esebimen utyp, chempıondyq ataqty jeńip aldy.

Bul Ámirdiń jekeleı synda ITF Juniors dodalaryndaǵy besinshi tıtýly edi. Sonyń bári bıylǵy jyldyń úlesine tıedi. Budan buryn ol Ońtústik Koreıada (J300), Mysyrda (J100), Tbılısıde (J60) jáne Qaraǵandyda (J60) úzdik shyqqan edi.

Foto: Qazaqstan tennıs federatsııasy

Qyzdar arasynda juptyq synda sońǵy básekede qazaqstandyqtar bas júldeni ózara sarapqa saldy. Asyljan Arystanbekova men Aııa Nupbaı tartysty matchta Málıka Ámirǵalıeva – Albına Kákenovadan 6:7, 7:5, 10:5 esebimen basym tústi.

Bul Asyljan men Aııanyń ITF Juniors serııasynda birge jeńip alǵan 11-inshi tıtýly bolatyn.
Bozbalalar arasynda Іlııas Maratuly men Vıtalıı Zatsepın fınalda jarystyń 1-raketkalary, úndistandyq Arıan Shah – qytaılyq Tınh Djangqa jol berdi – 4:6, 6:3, 6:10.

Eske sala keteıik, budan buryn qazaqstandyq tennısshiniń Mysyrdaǵy týrnırdiń fınalyna shyqqanyn jazǵan bolatynbyz.