ASTANA. KAZINFORM — Qazaqstandyqtar Damır Jalǵasbaı, Sátıma Tóregen jáne Anastasııa Krymkova juptyq synda 18 jasqa deıingiler arasynda ITF Juniors týrnırlerinde úzdik shyqty.
D.Jalǵasbaı Barselonada (Ispanııa) J100 jarysynda jeńimpaz atandy. Qazaqstandyq tennısshi frantsııalyq Nıkol Robermen birge fınalda ýkraınalyq Maksım Kolobıshko – ıspanııalyq Noa Lopezdi 7:5, 6:3 esebimen tize búktirdi.
Jekeleı synda Damır fınalǵa deıin jetip, sheshýshi básekede ıspanııalyq Tıto Chaveske jol berdi – 4:6, 1:6.
Ótken aptada D.Jalǵasbaı Polshada J100 dodasynda ozyp shyǵyp, sonyń nátıjesinde jasóspirimder arasynda álemdik reıtıngide TOP-200-ge kirdi. Ózbekstannyń Ferǵana qalasynda ITF Juniors J100 týrnıri aıaqtaldy. Qyzdar arasynda Sátıma Tóregen men Anastasııa Krymkova chempıon boldy. Qazaqstandyqtar fınalda reseılikter Alena Harchenko – Kıra Plıshvıtchevany aıqyn basymdylyqpen utty – 6:3, 6:1.
Eske sala keteıik, budan buryn Anna Danılınanyń Meksıkada fınalǵa bir qadam jetpeı toqtaǵanyn jazǵan bolatynbyz.
Sondaı-aq búgin tennısten AQSh ashyq chempıonaty bastalady.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).